دنيا هان الغلا فيها <<رواية من اروع الروايات المشوقة معن شاب مــــــ تعذب من قدره كثير و زي ما تعرفون الطيب في هذا الزمن أكيد راح يكون تاعب من قدرة ومن قلبه الطيب وحبيت أكتب لكم مقتطفات من حياته وحيات أهله وإن شاء لله تعجبكم وعمره 28 سنه بالبداية أحب أخبركم أن والديه متوفين من 5 سنوات بحادث وهم ساكنين في الخبر بالمنطقة الشرقية من السعودية وعنده أربعة أخوان أعرفكم عليهم .
مسفر :عمرة 23سنة وهو يميل لحركات الشباب و الصياعه منه وفيه لأكنه جنب أهله بصفه عامه هيبه حتى عمامة يحبونه بشده بسبب روحه المرحة .
بندر: عمرة 18 سنه وهذي أخر سنه له بالثانوية طبعاً بندر يخاف من معن ويحترمه كثير وأهو الوحيد إلي مو قريب من معن ودايم يصد ويحب الوحدة ومو متقرب من اخوانه بالمره .
رناد : عمرها 16 سنه ما تحب الدراسة ابد وكل همها تروح المدرسة عشان تجنن معلماتها وعشان تشوف ربيعاتها و هي ضايــعه بين أخوانها لأنها البنوته الوحيدة وهي قريبة من كل أخوانها .
حامد : عمره 9 سنوات وأهو من الحادث إلي صار له مع والديه وأهو بغيبوبة وله تقريبا 5 سنوات لأنه وقت الحادث كان عمرة 4 سنين .
في البيت تحديدا بالصالة :
رناد ع الكمبيوتر : معــن أخوي وش رأيك بما إن إحنا بأجازة الصيف نروح لأي دولة من الدول
الأجنبية مثلاً بريطانيا ولا أنيوز لندا ولا فرنسا ولا إيطاليه
معن في نفسه يقول ((وأنا من وين ألاقي أدفع ديوني عشان أسفركم بعد ))وحب يتعذر لها : أيه والله فكرتك حلوة بس يا رنوده زي ما أنتي شايفة حامد أخوك يبغالة رعاية ولازم أطمن عليه كل
يوم وأداري حالته
رناد بــ تملل : بس معن أنت والله متعب حالك كل يوم تزوره وأهو ما يحس بك حتى !!
معن : ومن قال لك ها الكلام صحيح أهو نايم بس يسمعني لما أكلمة ويحس فيني
رناد بغباء: أها ok بس ما قلت لي بتسفرنا ولا كيف ؟؟
معن : والله نفسي يا رنوده لأني أنا بعد محتاج أغير جو ولو مسفر يتأمن عليه كان أخليكم تروحوا معه بس للأسف ما أقدر أأمن عليك وأنتي معه حتى لثانيه
رناد : أف طيب خلاص مش لازم نسافر
يرن جوال معن : نعم مسفر
مسفر برجا : معن أبا أقولك حاجه ويا ليت ما تعارض
معن : أخلص وش تبي أفلوس صح ؟؟
مسفر : بصراحة الموضوع فيه فلوس بس إلي خايف أنك تعارضه أهم من لفلوس
معن : يعني كذا.. اخلص وش عندك تعرفني ما أحب المقدمات الزايدة عن حدها
مسفر بخوف : بصراحة صراحة الربع بــ يسافرون للوس أنجلوس بأمريكا وأنا أخوك ما ني أقل
منهن بشيء وطالبك توافق تكفى لا تردني تكفى
معن : أممممم ok أفكر وأرد لك خبر
مسفر : تكفى تكفى خل أروح معهم و أوعدك ما أسوي شيء يعصبك وأنا هناك ويا ليت تعطيني جوابك الليلة لأنهم بــ يحجزون التذاكر أذا ما عليك أمر .
معن : خلاص يا الله باي
مسفر : باي
معن : ههههههه والله وصارت السفرة من نصيب مسفر يا رنوده
رناد بقهر : أيه يعني مسفرو يسافر وأنا لا والله قهر <<تقوم تروح غرفتها واهي حدها مو متقبلة الوضع
معن يكلم حاله : يا رب الحين وش يراضيها ما لي إلا أوديها مشوار اليوم يسكتها . معن يروح
"يطق الباب وتفتح له رناد "
معن : افا ليه تبكي
رناد تمسح دموعها وتحاول إنها تكون طبيعية : لا أصلا أنا ما أصيح
معن يحاول يخفف عنها : طيب وش رأيك أو ديك الليلة مجمع الراشد
رناد بفرح : بجد بتوديني و بتخليني أشتري كل إلي أبيه
معن : ليه وأنا من متى مزحت بكلامي ؟؟
رناد : صح أنت قول وفعل
معن : طيب الليلة بعد صلاة العشا بأجي من المسجد وألاقيك جاهزة مفهوم
رناد: مفهوم ..بس معن بندر كل جالس لحاله وش رأيك نخلية يجي معنا
معن : أي خلية يجهز أكيد راح يروح معنا
رناد : تأمر أمر
معن : ok تريدي شيء ها الحين قناتي قبل ما أسير <<يتكلم بــ اللهجة الإماراتية
رناد : سلامتك سير عسا ربي يكتب لك بكل خطوتاً سلامتاً يا رب ما أنحرم منك
معن باطمئنان : تسلمين يا وحيدتي <<يقصد إنه ما عنده أخت غيرها
وفي الليل وقت الطلعة بعد صلاة العشا رن الهرن معن وطلعوا بندر و رناد طبعاً رناد جلست
قدام وبندر راح ورى بالعلم إنه أكبر منها
معن : رنوده حبيبتي خلي بندر يجي قدام عشانة رجال وعشانة أكبر منك
رناد بتأفف : زين
بندر بخجل : لا خلها مكانها أصلا مكاني هنا أعدل
معن : أنا قلت كلمتي
بندر : أمرك
"وبقوا ساكتين طول الطريق "
معن : رنودة لا تزعلين بس والله هذي العادات
رناد : كلامك صح وأنا ما زعلت بالعكس عادي
معن : طيب ما أنتم جوعانين
بندر و رناد : لا
معن : يا الله وصلنا
رناد باستغراب تأشر على المستشفى : الحين ذة مجمع الراشد إلي وعدتني فيه
معن يمسك يدها : هههههههههه وش بلاك جاين نزور حامد وبعدها مروحين للراشد
رناد برتياح: أي أفكر بعد
"دخلوا وشافوا حامد طبعا رناد ما قدرت تطلع في حامد و أهو مليان أجهزه وبندر قام يصيح على حامد "
معن بألم : تدرون إن اليوم عيد ميلاد حامد وكمل العشر سنوات
رناد بدموع : والله
بندر يقرب من معن : معن لين متى بــ يبقى حامد بها الحال
معن يضم بندر : الله كريم يا بندر وهو العالم
"وبعد ها الكآبة انتهى وقت الزيارة ومشوا ووصلوا لمجمع الراشد طبعاً هناك الشباب أكثر من
العوايل وأنواع الغزل كلها هناك ظلوا يتمشون و رناد مو مقصرة تمشي وتأخذ بالملابس
لسبورت لأنها تحبهم موت أما بندر كل ما تمر جنبه بنت كان يطلع بالأرض ومعن فيه ويدفع
لحساب لرناد وفي محل كان معن وبندر واقفين جنب المحاسب ورناد جالسه تتمشى بمحل ستي
ماكس طبعاً معروف إنه كبير "
يرن جوال معن : بندر أنا طالع عن الزحمة بكلم مسفر خل بالك على رناد
بندر : أمرك
معن يرد: الو نعم؟
مسفر: معن وش صار ع الموضوع
معن ببرود: شف أنا ها المرة راح أوثق وأخليك تروح عشان أنك وعدتني تكون مؤدب وما تسوي حركات ما تعجبني
مسفر بفرح : يسلم راسك يا بعد هلي كلهم والله كنت متوقع إنك راح تخليني أروح
معن : بما أنك تسهر راح أخلي لفلوس على تسريحة غرفتك
مسفر : حلو.. تسلم يا الله أخليك ها الحين بخبر الشباب إني رايح معهم
معن : في أمانة الله
"طبعا رناد كان واحد يلاحقها من دخلوا المجمع ووقت ما كان معن يكلم مسفر ..الشاب أغتنم الفرصة وراح يعطيها الرقم بندر كان لاهي بالأحذية لسبورت حقت الأولاد المهم الشاب إلي يغازل في رناد ما قصر قعد يسألها شسمك وكم رقمك ومن ها لأسئلة لين ما مشى ورناد رمت السلة إلي بيدها وعيونها تدمع لأنها كانت تنادي لبندر وبندر ما كان يسمعها رناد تسرع وتقول لمعن عن إلي سواه الولد وتعطيه الرقم وتأشر عليه معن يعصب ويروح يهزأ فيه المهم معن علق مع ها الشاب بــ الكلام "
الشاب : والله مو مشكلتي المشكلة مشكلة البنت إلي معك
معن : لا وتعرف ت،تـــــــــتويقح بعد ..وايش المشكلة يا حيوان
الشاب : والله بنتك جذابة وهذي مشكلتها
معن بـ أستحقرة : شف أنا أكلمك وربي فوقي وما راح أنجس يدي بواحد مثلك وأحمد ربك أنك ما
سويت شيء للبنت غير أنك عطيتها الرقم لأنك لو سويت لها شيء أعلم إني لحظتها مو بس أضربك إلا اشرب من دمك فاهم <<وهو يأشر عليه ويناظرهـ من فوق لتحت
"الشاب خاف ومشى مع العلم إن رناد كانت لابسه نقاب يعني مو طالع من وجها إلا عيونها وكانت لابسه كاب الوطواط وشكلها مرة عادي ولابسه جزمه باليه طبعاً هي طويلة بالحيل ونحيلة وهي طلبت من معن أنهم يمشون للبيت وبندر كان طول الوقت خايف أما معن كان متضايق كثير واليوم الثاني بالصبح على الفطور "
معن : شيلي الفطور
سويم :شاله بابا <<إن شاء الله بابا
رناد بحزن وقلق : معن أنت متضايق من إلي صار البارح ؟
معن : لا يا حبيبتي أنا بس متضايق من شباب ها اليومين و الحمد لله إنها جت على الرقم
رناد بحزن: ولا يهمكـ .. أنت انسي بس
مسفر يمدد أيديه و نعسان : صباح الخير
معن و رناد : صباح النور
مسفر : المهم معن اليوم العصر الساعة أربع ماشين للوس أنجلوس بس معن الحين بسافر ويا
ربعي وبس حاط لي عشرة ألاف ريال أش دعوة وش يسووا هذولي
معن : مسفر روح ويصير خير راح احول لك على حسابك لأني بعد ثلاثة أيام بــ ينتهي ها الشهر
وبأخذ الراتب والحين ما عندي لأن إلي عندي راح ادفعهم لعلاج حامد أخوكـ
مسفر : ok تسلم بس ها عاد لا تبخل علينا أرسل لي أكثر من عشره ألاف <<وهو يغمز له
معن : يصير خير يا الله تأخرت على الدوام تريدوا شيء
رناد : سلامتك... في حفظ الله
"مشى معن "
مسفر : رنوده وش رأيك أخذك معي يا الدبة
رناد : وناسه أذا قلت لي دبة تطور من معنوياتي مو بندرو دايـم يقول لي يا لبرعصي مـحطمني
مسفر : ههههههه والله جابها يا لبريعصية بس تصدقين جسمك مرة حلو يعني أنا لما بتزوج بأخذ
وحدة بنفس طولك وضعفك <<يغمز لها
رناد : مسفر قم شف ملابسي إلي شريتها البارح وشف وين أحلى واحد عشاني بكرة معزومة
عند ربعي وأبي البس احلي شيء
"المهم راحوا وقعدت تلبس له لين ما قرر على لبس طبعاً هي تلبس وعلى نيتها ومسفر كان باله
رايح بعيد بجسمها المهم إنه قرر على برمودا بيضه وفيها كسرات جانبيه وفيها جيوب كثيرة
وكانت ماسكه عليها يعني ضيقه وبلوزه مخططة بوردي وسماوي واصفر واخضر فاتح والبلوزة
بدون أسيور و رناد طالعه أجنان لأن ها لألوان عاطية بشرتها إشراق وحيوية مسفر تدارك حاله "
بأن نيته سودا فحب يضيع الموضوع : رناد بدلي وتعالي جهزي معاي الشنطه
المهم صارت الساعة أربع وودعوا مسفر وراح مع ربعه لوس أنجلوس ووصلوا الفندق
ليث : مؤيدو يا الدلخ الحين أنت ما تفشل من ركبنا الطيارة وأنت تطلع بسيقان المضيفات بــ الطيارة
مؤيد : يا أخي دام الفرجة بـ بلاش خل نطلع أحسن من السعوديات أم ركب سود لابسات كيس زباله
تركي : ها الأكياس الزبالة ها إلي تقول عنهم اشرف منك
مسفر : الولد ما قال شيء غلط من جد السعوديات قارفينا بها العبايات القرف
ليث : أقول شيلن عفشكن
مسفر بمزح : والله أنا أحب العفسة أحس الجو كذا جنان هاهاي
تركي : أقول مؤيدو ومسفرو ورى ما تكرمونا بإسكاتكم وترتبون أغراضكم ترى ورآنا جلسة من
الصباح ودار رأسنا هبابنا اليوم من طياره لطياره ...
مسفر : أي والله دوخه
" وفي السعودية تحديدا الخبر بيت سلمان أبو معن "
رناد : معن نسيت أخبرك اليوم أبي أروح بيت خالي صمت عازمتنا أنا والربع هناك أذا ما عليك أمر توديني
معن ما تقبل الموضوع : طيب لازم تروحين !!؟
رناد باستغراب : أيش
معن : لا ولا شيء ... خلاص بوديك أجهزي
رناد : ok يا بعد طوايف هلي فديتك
معن بمزح : أي ها الكلام مو لله بس عشاني وافقت أنك تروحين
رناد : هههههههه لا عاد لا تقول كذا يكفي إني أحبك
معن يتمسكن : أيه وااضح الحب
رناد : معونتي أنا رايحه أجهز شكلك ما تبيني أروح بتخليني أسولف معك لين ما يتأخر الوقت
لبست رناد وهم بالسيارة
معن : رنوده وش رأيك نعزم الأهل في البيت يعني أعمامي وخوالي صار لنا زمان ما نتواصل معهم
رناد : من جد فكرة حلوة بس خلها لين يجي مسفر
معن : بس بكذا راح نتعطل على ما حظرت مسفرو يفكر يجي
رناد :ههههههههه وأنت صادق ذهـ وجهي إن جا الشهر هالي بندخله بعد يومين
"وبعدها وصلت رناد وكانوا ربيعاتها هناك وكانوا حدهم رايقين ويرقصون و مستأنسين ع الأخر والبيت كانت صمت مفضيتة يعني ما فيه إلا أهم يعني طارده أهلها من البيت عشان ربيعاتها ما ينحكروا با العباية وكانت رناد أنعم وأكشح وحده فيهم وأنعم رقص وكانوا حاطين الأغنية الأجنبية didi ..وبعدها kiss....."
بأنتظار أروع الردود ورايكم بالبداية مع انها باردة انشاءلله تلاقون لحداث المشوقة بالبارتات الجايه
سي يااا
{ إهدآءتے للأعضآء} بمنآسبـﮧ عيد الأضحى
{ أرووع مكتبهـ للسمآيلآت
:) 
رواية دنيا هان الغلا فيها <<حصريا على مرسى الحب 
