من يقول الزين مايكمل حلاه,,كل شي(ن) في حبيبي اكتمل


الله اللي كمله والله عطاه,,مابقى للزين في خلّي محل


العيون أحلى من عيون المهاه,,شافها قلبي و صفّق و احتفل


نظرته من فتنته شعلة حياه,,والجفون من الحيا فيها كسل


ساهم(ن) رمشه على الخد وسناه,,كن لمعة وجنته ورد(ن) وطل


الشفايا كنها جمر الغضاه,,تحرس الريق المحلّى بالعسل


والشعر ليل(ن) نقل حمرة مساه,,أجعد(ن) حوّل على صدره همل


مايج من فوق متنه ماطواه,,لون شلال(ن) مع المغرب نزل


وأنطلق جيده يماري في بهاه,,فوق مياس(ن) تعزّل واعتدل


بالرشاقه فيه من ظبي الفلاه,,لي مشى كنّه على الروح انتقل


ريحته من كل زهر(ن) منتقاه,,والزياده للخزامى والنفل


صافي(ن) مثل المطر فوق الصفاه,,باسم مثل البشاير بالأمل


جامع(ن) من كل زين منتهاه,,مستحيل الوصف في خلي سهل


كايد(ن) ماهو يلين لمن بغاه,,يرتفع عن كل سقطات الزلل

^&)§¤°^°§°^°¤§(&^مشكوووووووووره والله روعه
تسلمين لي يا الغاليه يا بنت الغاليه^&)§¤°^°§°^°¤§(&^

صح السانك

كلمات في غاية الروعه والجمال

احسنتي على ما نثرتي من ابداع وتميز
قافيه سليمه واسلووب رائع
دمتي على الابداع الدائم

لكي مني اخلص التحيه

دمتي بود وصحه وعافيه

قصيدة رائعة من سلسلة قصائد المبدع ..
صاحب السمو الملكي الأمير / خالد الفيصل آل سعود ..

تسلمين على هذا النقل والطرح الرائع ..