يتميز الرجل السعودي بمزايا حلوة تميزه عن غيره من الرجال ... ولكن طلباته كتييييره
طبعا أنا ما أعمم عالكل ... ولكن الأغلبية
[من طلباتهم :
1- تكون الزوجة فنانة في الطبخ ( أهم شي) عشان المعده أقرب طريق للوصول إلى قلب الرجل, شغل البيت , ماتقول ما أعرف ... ياويلها .. تاكل على راسها
2- تكون هادئه ما تتكلم كتير وما تسأل كتير وما تخرج كتيير وما تصرف فلوسها سواء اللي يديها هيا أو اللي تاخدها من راتبها ( تجمعها عشان هوا يصرفها )
3-تمدحه طول الوقت , إزا ما مدحته فهيا إنسانه ماتقدر زوجها وماتعرف تتعامل معاه.
4- ياويلها تدي رأيها في مكان وهوا موجود . بالزات في السوق لا تفتحي فمك مع البياع وزوجك فيه
5-طبعا أول ما يرجع من الدوام لازم البيت يكون مرتب والاكل جاهز ولا ياويلك..
6- البزوره يبغاهم طول الوقت عاقلين يسمعوا الكلام ما يبكوا ولا يقربعو ولا يتغنجو ( حطيهم عالصامت)
7-لا تحطي راسك براسه ... يعني لا تقوي ايش معنى هوا يعمل وأنا ما اعمل يتجنن وتطلع قرونه
وفيه أشياء تانيه يتشارك فيها الرجال السعوديين أكيد عندكم كلام تبغو تضيفوه
للمتزوجين فقط ممنوع دخول العزاب 
( تقرير عن مشاركة مخالفة
) 
العرض العادي
