| ... وصية عاشق... لاتفوتكم !
بعد موتي انثري أوراق شعري على قبري
بللي تراب المقابر بالدموع
واحضني أطياف الرحيل بلا رجوع
سامحيني
حلليني
اذكريني حب ساكن بالضلوع
بعد موتي احضري ليلة رحيلي
شاركيهم في غسيلي
لا تغيبي علميهم من تكوني
قولي انك ساكنه دايم عيوني
وانك اعذب في خفوقي
واني اول من سكن باقصى حشاه
واني اصدق من جرح قلبه وجفاه
علميهم يتركوني بين يديك
بس حدك تتركيني
احضنيني بس مره
حطي خدي فوق صدرك
فوق غدرك
فوق جرحك
علميهم
كيف عشنا الحب آهاته وهمه
كيف ذبنا واحترقنا
يوم هذا الوقت قاسي مايهمه
علميهم
كيف هذا العمر مايعرف يحن
وعلميهم كم سهرت الليل من جرحك اون
علمي أمي مكانك بين قلبي
علميها انك أجمل من لقيت
وان كان هذا الحب غلطه..!
انتي أحلى ماخطيت
بعدها يااجمل أيام العذاب
يااول وأخر حب عشته في غياب
احملي نعشي معاهم للقبور
وادفنيني قلب حبك
ومالقى غير التجافي والغرور
بعد موتي
عيشي أيامك كلها سعادة مع سرور
جعل دنيا انتي فيها كلها فرح ونور
واذكريني
واحد كان أقصى أحلامه ينام بخافقك
عاشق ذاق أقسى آلامه
واحد موت حبك وحبك موت
واحد اخلص بحبه لين ضمه الموت
كنتي اصدق من كل هذولي البنات
وكنتي اعذب من ذبح قلبه وهده لين مات
غير كنتي عن كل العذارى غير
كنتي لقلوب الحيارى حب خير
وكنتي لي حلم وردي
صيفي وبردي
إيه يااحلى أيام العمر
تمر سنين من عمري
وأنتي باقية هذيك العيون
خذتني يمها
عشت العمر في همها اللي
وماهمها
ذاك الطريح
اللي من حلى يدها أصبح جريح
تصدقين
حتى وأنا في آخر أيامي بموت
شايل همك معاي
وش تسوي بعد موتي
ياترى تلقى حبيب يودها
تستغربين لوقلتلك ماهمني
كل اللي اتمنى بعد موتي
حياة تسعدك
عن كل هم تبعدك
حتى لو اللي معك إنسان اكرهه
دامه يحبك مايهم
عندي رجا بس اطلبه
مابين قلبك والحشى
حطي لي مكان صغير
تتذكريني لا قسى وقتك
وهدك هالزمان
بستسمحك يامنبع الحور والحنان
راحــــل عن دنيتك أنا
لا والذي عطر وجمل سيرتك
ماهو بيدي
ابعد عن عيونك وأروح
لكن قدر في وسط لوح
إني بموت بدنيتي
مرتين بس
مره بليله التقت عيني بعينك
وابتدى حب كبير
والثانية هذا المسى
يومي مشيت هذا مثواي الأخير
وبالمرتين كنتي معي
| 
( تقرير عن مشاركة مخالفة
) 
المواضيع المتشابهه للموضوع: ... وصية عاشق... لاتفوتكم ! 
{ أرووع مكتبهـ للسمآيلآت
:) 
العرض العادي
