| الى من يهمه
من شاعرية شاعرً نزفـه بحـور
غنا علـى كـل البحـور ولعبهـا
وجت القصيدة كنها الـدر منثـور
تطوي مسافات السنيـن وتعبهـا
كل حرف منها منكتب فيه منصور
نفحات من نفسً تزايـد غضبهـا
تزحف بخيل افكارها طلعة النـور
والخيل من خيالهـا ليـا ركبهـا
ياصاحبي دونك مرده على الفـور
ميلتك يـم حروفنـا وش سببهـا
الصدق مايزعلك والحق من نـور
الشعرفكرة ملك للي كتبهـا
مايزعل الا الكذب والظلم والـزور
لا جاك من ناسً عريـبً نسبهـا
الوقت هذا وقت سافـل ومحقـور
من يوم شفت السوس داخل قصبها
الزرع ماينبت على صحصح البور
والجُرب لو تطلى تزايـد جربهـا
والشاعر اللي خالط الثقه بغـرور
زاد الغـرور بغلطتـه وارتكبهـا
لا علم ينفع به ولا يقبـل الشـور
ونفسه على ماسولت لـه نكبهـا
من دون حقي يااسود الوجه مثبور
ماهي اطماعه من بغاهـا كسبهـا
حنا ترانا رجـال هداتنـا صقـور
كم لحيتن حنـا قصرنـا شنبهـا
العلم جاك ومنبعه صادق شعـور
من شاعرً جزل المعانـي شربهـا
باقة حروفه كنهـا ورد وزهـور
وفيض المشاعر من صميمه لهبها
سطوة حروفه هزت جبال وصخور
ولا طب قافه بارض فوقك قلبهـا
صفحة حياته مابها نقص وقصور
واسمى المبادي وقتنـا مانهبهـا
هذا فخر والوقت خابـر ومخبـور
يقولهـا اللـي كلمتـه ماسحبهـا
آخر تعديل بواسطة ياعذابي بتاريخ
12-28-2007 الساعة 05:42 PM . | 
( تقرير عن مشاركة مخالفة
) 
المواضيع المتشابهه للموضوع: الى من يهمه 
ورشة الـ Avatars •• [ صمم ع مزاجك ] •• 
غرائب الصور الطريفة :) 
I believe I can fly
العرض العادي
