* نرجو منكم أعزائنا الإلتزام بالذوق العام وعدم استعمال ( عبارات الغزل والإعجاب ) وعدم ( تبادل الإيميلات وطلبها ) داخل المواضيع حتى لا تتعرض العضوية للحظر

ro7dubai · 01-18-2008, 09:13 AM

وشو الموضة موضة بس ما تصلح لك أنت . كنت رايح اجتماع للمدارس وإلا واحد يا جماعة رقبته هالطول وإلا قاعد قبالي وأنا قاعد أتكلم وشدني الانتباه له رقبته هالطول وحاط هنا 650 ألف زر قلت والله ما أخليه نهاية الجلسة لازم اسحبه وأناديه جيتله قلتله يا أبو الشباب قالي تم قلتلوا يا اخوي وش هو هذا 1،2،3 وشو هذا قال هذه موضة قلتله موضة ليش قالي لأنه المدرسة أشوفهم كلهم مسوينها قلتله اللي في المدرسة رقبتهم هالطول وأنت رقبتك هالطول تبغى التقليد يصلح لي يصلح لديني يصلح لمجتمعي ما اعرف المهم إني البس وهذا كان أسباب . أسباب مشاكلي كان التقليد الحين تعال لو تروح مدرسة من المدارس وتحصل طالب واحد لبس عدسات خضر بكرة كل المدرسة لابسة خضر صاير طبيعي عندهم يجي واحد ما يدري حاطط ياقة كده المدرسة كلها تقلده . تقليد أوووه حنا للتقليد تقليد ينطبق معانا ؟لا . ينطبق مع ديننا؟ لا . لا ما ينطبق المهم يا أخي هذه المجتمعات الراقية بتسويه لان هذه المجتمعات الراقية دخلت يوسف 20 سنة إدمان 20سنة تعاطي 20 سنة موت والله موت ويا إخوان احذروا التقليد وهذا أول ما بديت أتعاطى مخدرات كان عندنا واحد عينه هني وتجيله ما به صوت يعني مسكين تعبان ويروج مخدرات وكان حلمي في يوم من الأيام إني أنا اخذ صفة الشخصية هذه شفت شلون لمن يجي العصر وهو قاعد على الكرسي ويروج مخدرات والشمس طاقة بعينه وطبعا لما تطق الشمس بعينه يفتح واحدة ويسكر واحدة فكان حلمي أقوله سلوم يقولي نعم أقوله تصدق يا أخي أتمنى بيوم من الأيام اخذ شخصيتك يا حسرة تدرون شلون مات شنق نفسه لأنه مل من الحياة صار مثل الشريطة يدورون فيه بالمستشفيات مل شلون يعيش حياة ضنكة والله والله والله اسالوا اللي يستعملون المخدرات قله شلونك؟ يقولك ههه ما ادري. تحس بشي؟ قال لا. تسمع شي؟ قال لا. تتطعم شي؟ قال لا. والله والله كنت أعيش بعيشة ما يعلم بها إلا الله .
ابقولكم على قصة تصدقون يا اخوان هذه حاصلتلي انا وفي شهود عليها بعد توبتي بسنتين إن شاء الله إني أكون تايب وادعولي الله يثبتني ويثبت كل مسلم اتصل فيني وكان ملازم والحين رائد هو موجود قالي يوسف أمس حنا لقينا فلان تعرفه؟ قلتله اعرفه قال تعرفه عدل قلتله صديقي قال لقيناه ميت في الشارع واتصلنا بولي أمره عشان يجي ياخذه يدفنه ما رضوا فيوسف سوي خير ونحسبك من الطيبين وروحوا ادفنوه قلت هذا خوي يعني ادعيله انه الله يغفرله فقلت له أنا ما اعرف السالفة وش أسوي قالي روحوا خذوا ورقة من الإمارة اسمها تصريح دفن فرحت الإمارة سويت تصريح دفن . وش أسوي؟ قال خذ الإشعار عندنا مسجد بالدمام اسمه مسجد الشيخ عيسى اللي عاشوا بالدمام يعرفون هذا المسجد حق غسيل الموتى قال روحوا خذوا إسعاف من عنده فرحنا ناخذ الإسعاف من عنده وطحنا حق المسجد قال والله ما عندنا إلا إسعاف واحد دورولكم سيارة وجيبوا ميتكم شوفوا يا شباب أبغى اوريكم على شي بس تكفون ففتنا حق المستشفى المركزي وطقينا على باب الثلاجة اطلع لنا واحد هندي قلناله هذا تصريح الدفن نبي ناخذ الجثة طالع الهندي الورقة يوم يقولي أنا وخوي اووووووه هذا نفر ما بي كويس قلت اوووه حتى الهندي يعلم حق الميت فأعطينا الهندي فلوس يجيبلنا الميت والهندي يقول مابي فدشينا حق الثلاجة والهندي مو راضي يفتح الثلاجة يبي يقول 1 2 3 صديق مال أنت هنا ويفتح الثلاجة ويسحب ما اعرف أنا جديد ويسحب فقال خوي طالع في وجهه يوسف تأكد انه فلان طلعت بوجهه أعوذ بالله من الشيطان الرجيم كل ما قلتها حق واحد مو راضي يصدقني يقول يتهيء لك وخرت قلت حق خوي تعال شوف قال اعوذ بالله من الشيطان الرجيم خل نشيله شلناه وحطيناه في السوبر والله يا شباب انه الريحة في السوبر قعدت اسبوع كامل ريحة خايسة ما اطلعت من السوبر وخذيناه حق المسجد وحطيناه حق المغسلة قال لنا مغسل مسجد الشيخ عيسى أنا عندي ميت قاعد اغسله أعلمكم وغسلو خويكم قلنا يالله وقعدنا نغسله وأول ما نصب ماء على جسمه والله يا شباب أول ما نصب ماء على جسمه ونبدي نحك بجمسه كذا يطلع جسمه مثل الورق معانا جلده يطلع مثل الورق معانا نبي نرفعه وإلا تطلع من دبره ريحة شوي والله شوي منو فيكم يبي الحياة هذه أو الموتة هذه الحين خلصنا من هذه المشكلة وحطينا عليه الفشت وصلوا عليه الجماعة ووديناه للمقبرة قال ويا المسجد أنا بادفن الرجال ويا خويهم أهم 3 بس انتوا ادفنوا خويكم وإحنا 2 نبي واحد ثالث خوي وهو موجود ما زال وتايب نزل ينظف القبر قالي يوسف قلتلة ايش قالي أنت وفلان ارفعوا هذه وأنا بسحبه للقبر تصدقون جينا نرفعه ما قدرنا أطالع خوي وخوي يقولي يوسف شيل أقوله والله أنا قاعد اشيل ما قدرنا نرفعه كله ما قدرنا خوي قال يا جماعة وش فيكم اليوم يالله أنا امسكه من عند الكفن واسحبه معاكم أحس به يقولي يا ولد الصالح لا تنزلني أنا مو جاهز حق العذاب الحين الله يخليك يا ولد الصالح لا تنزلني أنا ميت على معصية منو فيكم يتمنى الموتة هذه يروح يتعاطى لا تقولون ولد الصالح ما قال الموضوع شغل في مخي يا أنا خرفت يا وسوست يا هذه رسالة تكون السبب يا ولد الصالح انتبه وحنا كثر تجينا رسايل ما نقراها نفتح الظرف وش قاعد يصيرلك أي مرض تقول والله لأنه الجو شتى وهذا والأمراض فايروس ما فايروس يا أخي اعتبرها رسالة من الله وعيد حساباتك . كلامي صح وإلا لا؟ من فينا لا تجيه رسالة رسائل كل يوم الله يدزها لنا الله يدز لنا واحد مقطوعة رجله بدال ما نفكر بالرسالة مالته نضحك عليه يا شباب الشباب لما تشوفون واحد شايب قاعد يمك ومكحكح لا تضحك عليه وهذا تراه مصيرك توصل كذا ولكن الشباب يضحكون ما نفتكر بالرسايل اللي قاعدة تجينا من الله
الرسالة الثانية لواحدة كلمتني تقريبا من حوالي شهرين تقول انه زوجي بالسجن محكوم 4 سنوات وأنا ما أزوره واجد لكن بعض المرات يطلبني خلوة شرعية أروح له تقول في يوم من الأيام طلبني ألف ريال قال أبي تدبرينلي ألف ريال قالت أنا على الله وعلى المحسنين بس قلت بعطيه ألف ريال عساه إن شاء الله انه يتوب فتقول تحققت من الأمر لقيت انه يبغى ألف ريال لأنه يبي يشتري مخدرات في السجن تقول تجاهلت الموضوع كل يوم اروح له يقول لي وين الالف قلتله والله ما لقيت والشؤون ما أعطونا والمحسنين ما جابولنا تعرف وش يقولها النذل يقول لها يا أخي أبي ألف ريال صرفي روحك النذل يقول لها صرفي روحك تعرفون وش معنى صرفي روحك لها معان وايد ولكن معناها هل تعتقدون انه إنسان يبغاها تتنازل عن أغلى شي بالدنيا ولكن المخدرات عمت على قلبه وقام ما يحس حتى بشرفه يقول حق زوجته صرفي روحك
ثاني سالفة أم من مدينة ما هي بعيدة عنكم هني اتصلت فيني قعدت ربع ساعة وهي تبكي أقول لها يا بنت الحلال خليني أسمعك قالت لي اش أقولك قلت اسمع اش أقولك قلت لها لا أنا متعلم قولي لي ترى إني فاهم والله فاهم قالت لي اسمع يا أبوي أنا عندي زوج صار له 35 سنة يتعاطى كالونيا مسويله محل عطور في بطنه ولكن على أساس انه حالتنا المادية بسيطة هو ما عنده فلوس يشرب خمر يروح يشتري الكولونيا رخيصة ولكن بالليل يقلب المجلس عندنا بار اهو عليه ثلج والباقي عليهم الخمر والله هذي أنا اسمعها عادي ما في شي قامت تقول الطامة الكبرى انه عنده 4 بنات وكل ليلة يختار واحدة حق الزباين هذا أبو؟ وتلفونها موجود عندي قلتلها زين ليش يروحون وياه؟ خل يمتنعون قالت اللي تمتنع تنطق حتى يغمى عليها وبعدين يوديها للمقلط ويفصخها ويدخلهم مرة ثانية عليها مينو فيكم يتمنى حاله يصير كده والله إنها تبكي دم
وفي واحد اتصل فيني يقولي يوسف الحق علينا اخوي صابه وسواس وشك في زوجته من كثر الحيوب حبوب الشبح والليموني هذه أصنعتها إسرائيل لنا حنا هذه الحبوب ترى فيها خدمتين الخدمة الاولى انها تحرك الخلايا مالة التفكير ومالة التركيز هذه جابتها إسرائيل وذبتها واللي يسمونها الشبح واللي يسمونها الليموني واللي صوبه انتبهوا منها ترى انها واحدة بواحدة يعني إن كان الهروين يدمن عليه الشخص 3 أيام فهذه الحبوب بيومين بس . فقال الحق علي اخوي شاك بزوجته وحابسها هي وعيالها بالبيت وماسك مسدس مو مخلي احد يدش عليهم والله يا شباب شوفوا يا شباب ويقول إنهم صار لهم 3 أيام ما أكلوا شي شو نسوي يقول دش فيها مفاوضات الله يخليك الشغلة فيها مسدس ومو قد المفاوضات قعدت المجلس جاني أخينا بالله لو تشوفونه والله أنا يوم قعد يمي قلت وين المدمن والا رجل انيق قمة اناقته ولبسه أنيق ومثقف تعقدت يوم دريت انه معاه أدب انجليزي وفاهم وواعي ولكن مدمن على المخدرات قالي خير يا شيطان الانس يقول لي انا. قلتله أنا مدمن زيك قالي شايفني أنا مدمن؟ أنت مدمن واللي فيكم على زوجتي كراهية لقيت فيه كراهية يطلع فيكم للسما قلتله ولا يهمك وهذا ومن هالكلام . الحين أبا بقوله اللي فوق ايش ذنبهم؟ أخاف يقولي وش دراك قلتله يا ابن الحلال ترى الامور تصلح وانا كنت مثلك قلتله عندك مسجل قال لي ليه قلت له أبي أسمعك شريط جديد نازل فراح جاب لي مسجل وحطيت الشريط حقي وبدى الشريط ودخل جو هو انا بقوله كلمة فقلت له يا أخي قال اش اش قلت لا دخل جو الرجال تمام يوم يلتفت علي يقولي بالله عليك هذه قصتك؟ قلتله إي والله هذه قصتي تصدق قصتي قال لي لا هذه قصتي فانا قلت يمكن انلحس من الحبوب قلتله قصتك قصتك قال هذه قصتي وأكيد اخوي النذل اللي قايلها لك قلت لا والله ما حد قايلها لي هذه قصتي بس عشان أنا كنت أتعاطى مخدرات وأنت تتعاطى مخدرات قصتنا واحدة بس يا ابن الحلال اللي فوق مالهم ذنب قالي لا اللي فوق فاجرة وانا احاسبها وقعدنا مفاوضات وياه 4 ساعات بس الطامة الكبرى يوم رحنا فتحنا الغرفة والا لقينا طفل عملاه سنتين صاير ازرق والأم طايحة ووحدة صغيرة موسخة على روحها لاعب بنفسية عياله لعب ليش لانه مخدرات
واحد بالشرقية شك بزوجته بعد من الحبوب الحبوب اوووه الحبوب فقال لها يا مرة انتي ما انتي مضبوطة قالت له يا ابن الحلال حرام عليك أنا مصلية مسمية قال لها أقول لك أنتي ما أنتي مضبوطة بس تدري شلون أنا بروح الديرة بجيب أمي تقعد عندك تحرسك فراح للديرة جاب أمه قال يومه اسمعي انتبهي للمرة ترى المرة ماهي مضبوطة وما تدري امه انه مدمن فبعد يومين شك بأمه إنها ماهي مضبوطة والله يا شباب شك بأمه إنها ماهي مضبوطة وإنها تساعد زوجته فراح يسوي ايش راح شرى اسمنت ابيض تعرفونه الاسمنت الأبيض وقام كل يوم الصبح يرش على الرخام اسمنت ابيض تعرفون ليش عشان يوم يجي من الظهر يشوف منه دايس على الاسمنت شوف ذكي هاه على انه حشاش بس ذكي فكل يوم يجي يشوف الاسمنت ما حد داش عليه يقول أكيد يجونها من فوق قعد وياهم وقام عالسريع جاب الكلاش علشان ما يشك بأحد وذبحهم وبعدين وبعدين رسايل منو بيكم يبغى هذا . الحين مجرد تقول انه اخوي مدمن تقول أعوذ بالله شلون لو يسون هذا كله شو بيصير بحالك
وهذه مشاكلنا إذا قدرنا نتخلص من البلوة هذه وما رح نتخلص إلا كلنا قلوبنا مع بعض وأنا تحت آمركم يا شباب.
منقووووووووووووووول