الفتنه نائمه لعن الله من ايقظها
انا ما اقول الا الله يلعن اعداء الاسلام والمسلمين ونشوف فيهم يوم
ياخي ليه بعض العقول جزم الله يعزكم ويكرمكم ماهيه راضيه تفهم اننا في السعوديه مجمتمعنا مسلم محافظ ومهما كان ما يقبل هذي الاشياء انا ما راح اتطرق لموضوع تحريم او تحليل قيادة المرأه للسياره لاني ماني من اهل العلم لكن اللي ابي اقوله ان الحريه الشخصيه والتحرر المقصود منه ابعاد المسلمين عن دينهم طيب انا اسال سؤال وش الحريه في نظركم ؟ ان البنت تسوق ؟ ان البنت تصير مثل الرجال يا نااااااااس يا همج الله خلق والله فرق الفرق بين الذكر والانثى فرق السماء والارض وبعدين احنا في زمن المسلمين بعيدين البعد عن دينهم واخلاقهم . زمن المسلمين يقتلون ويغتصبون في العراق وفلسطين والشعب العربي والاسلامي يغني يا ليلي يا عين ستار اكاديمي ونجوم الخليج ويا قلبي لا تحزن نرجع لموضوعنا ان الحرمه تسوق طيب ساقت مثلا هذا هو اللي تدورونه ؟ يا اخي انت عندك عالم ما عاد صارت تخاف من الله الحلال مثل الحرام والله والله واقسم بالله اللي عنده غيره على اهله ومحارمه ما يرضى لبنته او لاخته تسوق لان البنت معرضه لاي خطر ممكن او اي احد يعتدي عليها وهي مالها لا حول ولا قوة من بعد الله سبحانه وشايفين في الفتره الاخيره وافتح الجرايد تزايد حالات الاختطاف والاغتصاب والسرقه والقتل صار مثل السلام عليكم .. يا ناس افهموا يا ناس وانا بذكر لكم آيه وقالها الله سبحانه من فوق السبع السماوات ( ولن ترضى عنك اليهود ولا النصارى حتى تتبع ملتهم ) صدق الله العظيم
هذا اكبر دليل واكبر ادانه لاعداء الاسلام اللي ما تنام لهم عين ولا يغفى لهم طرف الا وهم مبعدين المسلمين عن دينهم ومشتتينهم لين صار الاسلام غريب .. وصارت البنت المسلمه في الشارع وحب وديت وخرابيط على بالهم الحريه يا قلبي لا تحزن
وانا عندي كلمه للي يقول قايدة المرأه ويقعد يطبل لها ويزينها .. اخوي خاف الله في نفسك وبعدين قبل لا تقول قيادة المرأه وحق المرأه في القيادة ومن الخرابيط هذي وينك عن الحريم اللي بالمحاكم ؟ اذا جات بدون محرم طار فيها القاضي واعتبرها كافره لازم تجيبين محرم ؟ اي منطق واي عقل هذا يلعن ابو التخلف طيب حرمه ما عندها من الدنيا ولا احد لا اخوان ولا شي من وين تدبر محرم ؟ جاوبني ولا صراف الراجحي يصرف لها ثلاثه محارم واهل واخوان .. قمة الجهل اكيد مافيه اجابه
ليه الحرمه في بعض المجالات مهمشه ولا لها اي قيمه او اي اعتبار مع انه الاسلام معطيها كل الحق في التصرف ولا هذي ماهي ماشيه على هواكم يا مدعين حقوق المرأه وكلام فاضي ..
زيدوا عدد مدارس البنات ثقفوهم علموهم مسكوهم بالدين الاسلامي الحنيف زيدوا عدد الوظائف النسائيه بما يتناسب مع اخلاقنا وديننا ولا الحرمه مثلا ما تتوظف الا وهي مخالطه الرجال الاجانب ؟ حماقه مالها حدود
هذولي بناتنا واخواتنا وامهاتنا واهلنا وما نرضى لهم الا كل خير وما راح نسمح لأي شخص كائن من كان انه يمسهم لو بطرف شعره .. والعب بعيد
ختام الكلام .. الصلاة والسلام على خير الانام
| 
( تقرير عن مشاركة مخالفة
) 
العرض العادي
المواضيع المتشابهه للموضوع: اخر اخبار .....قيادة المرأه؟؟؟ 