الليل بيت اهموم والحزن عسـاس
..................................... وليا لقـى صـدر" كئيـب الّتوابـه
وانا ضحية ليـل وهمـوم ونعـاس
.................................... وخذى السهر جفن المنام وسرابـه
لا والله الا وقـع الفـاس بالـراس
..................................... وصدري مراقيب وهمومـي ذيابـه
حطاب ليل" لا ضوى يشبع الفـاس
................................... ومافيـه ضلـع" مارقـاه وعوابـه
ايضّيق الانفاس وتضيق الانفـاس
..................................وزفر ويمطر من قصيـدي سحابـه
دمعة قلم طاحت على خـد كـراس
............................... تزيل عن صـدر الحزيـن الكآبـه
وانا احساسي غير عن باقي الناس
............................... العب على المغنى يا قوس الربابـه
البكر نشوة فكر مع ثورة احسـاس
................................ اتعّلـم الإبـداع فــن الكتـابـه
واتعّلم الاقـواس مابيـن الاقـواس
............................ لاملّت اعيـون السـؤال الإجابـه
كم لي على باب الرجاء واتبع الياس
........................... لين الرجاء قفـى وقفـى سرابـه
ارصع الولو علـى خاتـم المـاس
............................ وضيعـت لولـوه وماسـه ومابـه
وتلاشت احلامي مثل فورة الكـاس
............................. ومليت من رتم الحكـي والتشابـه
يا عالم التضليل ووجيـه الافـلاس
.............................. ماعـاد باقـي شـيء ماينحكابـه
اتجّمعون الحكي لين الحكي خـاس
............................وخّمر علـى زاده وطعـم شرابـه
وان قلت قول" ماعتلى قب الافراس
....................... لابـو جنـاب" مايعـزك جنـابـه
ولا شاع سرك بين حاسد وبـلاس
............................راحـت رقبتـك لـلأوادم طلابـه
وصدري قفل سر ومحانيه حـراس
............................. بمـوت مافكيـت للخلـق بـابـه
كذا !! يوقف حبر ويجف قرطـاس
.................... وتبقى عيـون الاسئلـه للإجابـه