باركو لي على نجاحي

عقد الورد · 02-06-2008, 01:18 PM

انا اختكم الصغيره عقد الورد في ثالث ثانوي علمي اليوم نجحت ونسبتي 95%لاحد يشره على اكثر هذا اكثر شي قدرت اوصل له والحمد لله على كل حال مع اني تضايقت لما شفت كل البنات الي جايبين بعضهم 99% وبعضهم 100% وانا نسبتي مثل وجهي عاد الكل يقول مبروك من ورى قلبه وللعلم انا ما ادرس عند اهلي ادرس في منطقه بعيده عنهم تفاجئت ان محد منهم سئل ولابارك مع اني كنت فرحانه حيل انكسر خاطري ومالقيت احد احسن منكم يقدر يجبر لي خاطري بكلمتين اي احد اعجبه كلامي وحاب يضيف شي او يواسيني تكفون لايقصر

اختك عقد الورد
مشكورين على دخولكم لموضوعي

أميرة الدلع · 02-06-2008, 01:41 PM

يــــا حياتي يا عقد الـــورد

والله حــــاسة فيكـ لأني مريت بنفس الموقف

لا تزعلين من أهلكـ أعذريهم يمكن عندهم ظرف معين نساهم يباركون لك وألتمس لأخـاك 80 سبباً

و ألف مبرووووووووك على النجــــاح و النسبة الحـــلوة

و لا تزعلين اذا ما اخذتي 99 و لا 100 % يمكن خييييرة لكـ

تقدرين تعوضين الترم الثـاني ان شـــــــــاءالله

الف مبروووووووووووك و عقبـــال التخرج بأمتيـاز

M!ŠŞ ķЭ‡ ķαŦ · 02-06-2008, 01:54 PM

مبرووووووووووووووك عقد الورد

وبالعكس 95 نسبه حلوه ,, وإنتِ لاتشوفي اللي أكثر منكِ ,, شوفي اللي أقل منكِ

وأهلك أكيد ماقصدهم حاجه يمكن مشغولين اوشي كذااا !

أهم شي إستانسي بالنسبهـــ ^^

وإحنا معاكِ:

Dr.cute · 02-06-2008, 01:54 PM

ألف مبروووووووووووووووووووووووووك وعقبال الدكتوراه

ومادامك ذاكرتي وسويتي اللي عليك لاتزعلي ولا تزعلي نفسك وقدر الله وماشاء فعل
ولوأحد لامك وقلك ايش هذي النسبه قوليه أنا أريد وأنت تريد والله يفعل مايريد
وفي النهاية المكتوب مكتوب ونصيبك حيصيبك

واطلبي اي هدية ياعسل أنا وأميرة الدلع ومس كت كات بنتشارك ونجيبلك هديه((ورطهم))

يلا طنش تعش تنتعش وافرحي بنجاحك وماعليك من أحد رضا الناس غاية لاتدرك

أخيرا اسفه على المرسوم الملكي اللي كتبته والفلسفه

تقبلي تحياتي

تأبط خيـراً · 02-06-2008, 02:58 PM

لللللللللللوللللللييييييييييييي
ألف مبروك عقد الورد
ما قصرتي .. 95 % من يطولها
وان شاء الله الفصل الثاني تزيد ببذل المزيد من الجهد والمثابرة
من زرع حصد
واهلك يمكن ما توقعوا ان النتيجة بتطلع بدري !!

مبروك وسينقل الموضوع لقسم الترحيب والتهاني

ღغرام الوردღ · 02-06-2008, 03:05 PM

//
\\
//
{ يالبى قلبك مبروك يارب //.!
عقبال ماتتخرجين بنسبه ترفع الراس
//
نجاحك تراه تتويج لجهودك يعني انتي افرحي وعيشي فرحة النجاح

يلا الدور عليك باركي لي وانا بعد نجحت وش رايك ماحد عبرني زيك هههههههههههه
<< مسويه حفله اليوم بمناسبة نجاحي وعازمة نفسها عليها هع

\\
//

دلع بنوتة · 02-06-2008, 08:32 PM

مبرووووووووووووك يا الغلا

ملكة الرومانسيه · 02-07-2008, 01:32 AM

مبرووووووووووووووك ياعسل

عقد الورد · 02-07-2008, 03:01 AM

انا مولاقيه تعبير اكتبه ولا لاقيه كلمه تقدر تعبر على وقوفكم معي كلمات اختي اميرة الدلع ابكتني ومواساة اختي مس كيت كات احستني بوقف الجميع معي واحساسهم بفرحي وحزني
وتعبير دكتور كيوت مادري اذا اسمه كذا او انا قلته خطا ااحسني بطعم النجاح بقدر ماتطعمت بطعم التعب في امتحاناتي واخوي تابط افرحني وقوفكم معهم لتهنئتي على النجاح الي ماقدر القريب يهنئني بها بس حبيت اضيف ان اهلي عرفو بوقت النتيجه لما قلت ليش محد بارك لي قالو احنا مشغولين بلنتايج اخوانك انكسر خاطري بس يلا هذا الي صار شي وراح اختي غرام الورد مبروك نجاحك وعقبال النجاح الدئم في حياتك يارب اختي دلع بنوته مشكوره على مرورك المتواضع يمكن على قد تواضعه على قد ما ازدادني فرحه بشي قدرت في يوم اني احققه اختي ملكة الرومنسية مشكور على كلمة مبروك الي ماقدر يقولها لي اي شخص قريب مني

مشكورين من كل اعماااااااق قلبي لوقوفكم معي في وقت طلبت وقوفكم فيه معي والحمد لله ماخاب ظني فيكم
اختم عقد الورد

ألوان الطيف · 02-07-2008, 04:26 AM

ألف مبروك حبيبتي

النسبة مرررررة حلوة ما شاء الله

بس شدي حيلك الترم الجاي عشان ما تنزل و الله ييسر لك