بعض الأشعار اللي غناها المبدع خالد عبدالرحمن

الذي اشتهر بألقاب عديدة وهي : ( مخاوي الليل ، ابونايف ، صوت نجد وبالأضافة الى القاب كثيرة .. )

ونبدأ بأول ألبوم وهو


صارحيني .. وسأختار لكم منه أغنيتان وهم ( صارحيني )،( صدقيني ) ..
وتقول كلمات اغنية صارحيني ..


صارحيني . . . منهو أنا بدنيتك

جاوبيني . . . أن كنت فعلا منيتك

ما كنت أرضى تزعلين . . . وأنتي بتهديني الزعل

ما طيق عني تبعدين . . . في قربي حسيتي بملل

محرومه عيني شوفتك

لا تحرميني كلمتك

حتى الصراحة بيننا . صارت صعيبة في دربنا

وان كان ودك تبعدين . صعبة أنا أنسا حبنا

ما يعني هذا ترجعين . . في دنيتي بالقى الهناء



.
.


ونرى الأغنية الثانية في الشريط الأول لملك الفن ( خالد عبدالرحمن ) ..
وهي صدقيني .. الأغنية التي هزت شعور محبي ابونايف من سماعهم لأول ألبوم له وهي من كلمات والحان خالد عبدالرحمن .. وتقول كلماتها ..

صدقيني قلبي يحكي لك حقيقة
صدقيني ما ارى غيرك مـلاك

من اجل وصلك بأتخذايّه طريقة
ما ابالي لو طريقي لك هلاك

بُعدك ولاغيابك على نفسي ما اطيقة
كيف اجاهد روح تشقى من غلاك

شرع الخطأ يازين عمّ الخليقة
وان هفا شوقي معك ابغا رضاك

يازمان اللوم احرق لي وثيقة
طيها دستور بظلمه وطاك

منهو فينا او من البشر مانشف ريقة
كم قيل عنهم الشقي هذا وذاك

الشك من طبعك وباحساسك رقيقة
مقبوله عندي ولو هذا عطاك

روحي تنادي لك بصرخة غريقة
يامغرقها ليش عيني ما تراك


.
.


وحقق الألبوم الأول لخالد عبدالرحمن نجاح باهر ثم نزل ألبوم موادع وهو الثاني لخالد عبدالرحمن وحقق هذا الأخير نجاحاً لخالد عبدالرحمن ويتكون الألبوم من 5 أغناني وهي " موادع ، ياضامية ، لالا تهز الراس ، كنك وكني " ..

( موادع )

موادع وكل خلٍ جاك يجيه وقت ويوادع
موادع وكم خلٍ قال بعد فراقاه راجع

اعد الوقت بحسابي ليالي
واشوف حساب غيري له ثواني

غريب الوقت في طبعه يعاند
ابي اطويه ولكنه طواني

حبيبي فارق عيوني ولا جا
تقلب صورته فيني مواجع

غريب الوقت ياليته يطاوع
يمر يمكن يجي منهو موادع

دموعي تطلب عيوني نهاية
وجرحي ينزف المعنى قصايد

موادع صارت بعمري حكاية
وعمري ماخذ احزاني عوايد

حبيبي يقبل وقلبي يهلي
يمد ايديه يطلبني اجيله

ولا من جيته ودمعي يهلي
لقيته هاجسٍ معلن رحيله

عجايب كل هالدنيا عجايب
دموع وحزن ومفارق حبايب

تسلي خاطر المحبوب لحظة
ويرجع عاشق الاحزان خايب

بروح العشق المجروح يبكي
ويشكي وقت في طبعه مخادع

صحيح الحب في الدنيا ولكن
يعيب الوقت في حبه مخادع


.
.

وهذة الاغنية الثانية بهذا الشريط والي اسمها ياضامية :
وراح اذكر لكم قصة هذة الأغنية ..

هذي اغنية من اغاني خالد عبدالرحمن..
ومن كلمات شاعر اسمه العاشق..
ونزلها خالد بشريط موادع ويقولون ان الشاعر الي
هو العاشق كان يحب وحدة وذي كانت تدري انه يحبها
بس ( معطيتة خامس )..بالعربي الفصيح مطنشتة..
وكان العاشق فية مرض الظاهر انه مرض بالقلب..
وسافر عشان يسوي عملية لكن قدر الله وتوفي قبل مايسوي
العملية..وذيك درت عنه انه مات وحزنت عليه..بعد ماكتب فيها
هذة القصيدة..

ياضامية يبس شفايفك العطش غير ملامحك الوله..
وانتي وانا شمس وقمر مانلتقي لونحتضر ياضامية..
اشتاقلك وانتي بعيد ويزيد حبي لك يزيد..ياضامية..
اموت بعيونك اموت والحب يضنية السكوت..الى متى بسكت..
والى متى ببكي..ياليت ادري قبل اموت..ياليت ادري قبل اموت..
ودي اعيش الليل واقول احبك حيل..ودي اقول الاه وانتي معي تبكين..
ياضامية ببعد عزمت انا ببعد..ياضامية ببعد حلفت انا ببعد..
ياضامية يمكن بعد الهجر لقياك..

.
.


والأغنية الثالثة هي لا لا تهز الراس وهي كلمات رائعه جداً.. من كلمات العاشق والحان خالد البراك .. وتقول هذة الأغنية

لا لا تهز الراس وتنثر غرتك
عيني يجرحها سنا اللون الخطير

لون الذهب صنعة يقلد صورتك
بس اعجز الصانع شعاعٍ بك يثير

لاخير في دنيا اذا ما سرتك
ولا خير بأرضٍ ما تجي تحتك حرير

الجرح ياجرحي سبايب نظرتك
والدمع من صدك وجفني يستجير

لو ترجم العاشق وتطفي جمرتك
ولا تفك قيود جنحاني وأطيـر

كم مرةٍ روحي وقلبي طرتك
وتحالفوا يوفون لك بحق العشير

.
.

والأغنية الرابعة ماقبل الأخيرة في هذا الألبوم هي فزولها من كلمات العاشق ومن الحان سلطان الشادي .. وتقول كلمات التي بغاية الروعة

فزولها لين اقبلت فزولها
حبيبتي في حسنها من مثلها

لين اقبلت ريم الفلا
من وجهها شاع الحلا

فزو لها حبيبتي
ومع فزكم قولوا هلا

غنو لها يا اهل الطرب غنو لها
خلوا السهر يا اهل السهر يحلا لها

خلوا الشعر لين انثر يرجع لها
حبيبتي كل الطرب غني لها

لين وقفت حبيبتي قولوا لها
بوصولها تم الفرح بوصولها

واهدوا لها سلام عشق اهدولها
من روض (نجد) والهوى ومعشوقها

.
.

والأغنية الخامسة والأخيرة في هذا الألبوم هي ( كنك وكني ) والتي اشتهرت بحسن كلماتها وهي من كلمات العاشق والحان خالد عبدالرحمن ..

لاتحسب ان النور يازين مني
وجهي ترى يعكس لك النور منك

مثل القمر والشمس كنك وكني
اعكس شعاعك واسهر الليل عنك

مدامعي تشهد غرامك سكني
والقلب قبل الروح والعين حنك

انا اعترف لك كل مابك فتني
لو تطلب عيوني حبيبي يجنك

قصيدتي توج القلب فني
نظرتك مع ضحكتك هم تاج فنك

وعسى الوفا بالحب ظنك وظني
واعيش طول العمر في حسن ظنك


.
.

وبعد ما انتهينا من شريط موادع نشوف الشريط الثالث وهو ( افراق ) وهذة المرة راح نشوف لكم اغنيتين بس هم( تقوى الهجر و لي متى )..
ونبدأ بـ( لي متى ) عموماً كل الأغاني الي اضعها لكم هي التوب في الشريط وتقول كلمات هذة الأغنية الي من كلمات فهد بن مشعل ..

لي متى قلبي اسيرك
لي متى عيني تهل

لي متى ابكي هجيرك
وانت يمي لك محل

ارتعش الله يجيرك
قلبي الي مايمل

يشتكي قسوة ضميرك
كيف تفجعني وتحل

ما عطيت الحب غيرك
وانت تجرح ماتمل

لا تقول ما ابي غيرك
الكذب مايكتــــمل

عاذلٍ مّوت ضميرك
مبعدٍ عنه الخجل

ماله الا في عشيرك
كيف دربك مايزل

ياحسافه طار طيرك
مدمي جرحه يهل

وانطفى نجمٍ ينيرك
وانا بي حل الأجل

كثر الله الف خيرك
تهدي الموت بعجل

.
.

والأغنية الثانية اقصد الأسطورة الثانية الي راح نستعرضها بهذا الشريط هي ( تقوى الهجر ) وهي من كلمات الأمل المجروح والحان خالد عبدالرحمن .. وتقول كلمات هذة الاسطورة ..

"تقوى الهجر"

تقوى الهجر..
وش لي بقا عندك تدور لي عذر ..
لا تعتذر
تقوى الهجر
مانجبره من عافنا ماينجبر.
تقوى الهجر..
زاح الصبر
لا لاتعنا لي وتمر وتبغا الصبر
وين الصبر؟
جرحي عميق والقلب في دمه غريق ..
وتبغى الصبر
ويلاه من وين الصبر
مهما تقول من الاغاني والجمل ..
مايحتمل قلبي فدية جبر الألم ..
يمشي معك درب الندم..
مايحتمل
يكفي عليه منك احتمل كذب وغدر
حبك سراب ضيعت وقتي اتبعه
وسط الضباب صوتك ينادي اسمعه
صرت اتبعه..
واليوم في صحراء الضما ترمي فؤادي وتحرقه
ترجع تقول :ابعتذر
ليه العذر ..
دام الهوى ماله على قولك عذر
والجرح ياجرحي يداويه الصبر
ليه العذر؟
الله كريم الله الله
الله عليم الله الله
هوعالمٍ بالحال ولا يمكن يضيم..
عزاه لك ياقلب ياأحلى نديم
عزتي للحب لو يصبح يتيم
حبك يتيم وكلك ندم
وين الندم بين السطور
عمر العدم ماله ظهور
ترا هذا غرور
هذا غرور...
تمشي بطريق وأنا بطريق
اللي يوديني لبعيد
عنك يا أول رفيق
البعد يعفيني المزيد ..
وين الوفا والتضحية وينك رفيق
وبتجمع أوراق السنين
لاتنسى تجمع جروحي ودمعي واّهاتي معك
وقلبي بعد ماقتلته يارفيقي
معاد يقدر يمنعك ..
كل الأمر عاد بيديك
ياخلي ياهاجر
ما عندك عذر .

.
.

انتظرته .. وقلبي احساسه يقول ...... صوت خلي اليوم ما ظن اسمعه

ألبوم رائع لخالد عبدالرحمن يضم 6 اغاني وهي ( لك خافقي ، ياشوق ، حقيقه ، أهلاًهلابك ، انتظرته ، من دلعك .. وسأطرح عليكم من هذا الألبوم اغنيتان وهم ( انتظرته ، ياشوق ) ..
وتوجد بأغنية انتظرتة الأحاسيس المرهفه لفنان يعجز اللسان عن وصفه ..
وتقول كلمات أغنية انتظرتة ..

انتظرته وقلبي احساسه يقول

صوت خلي اليوم ماظن اسمعه

الخبر عندي وغيبته بتطول

وقتي من اليوم حسابه بأجمعه

ضاق بي صدري وأدور له حلول

في ضميري نار شوقي مولعه

عشت في دنيا ادور بها وأجول

عشت فيها بضيق وعايشت السعه

مالقيت اللي على دربي صمول

كود بعض الناس وقته يمنعه

روضتي جفّت وانا خلّي سيول

مبعد ٍ عني وقلبي يتبعه

طبعه اللي يوصف بطبع الخجول

بين كل الناس عندي ارفعه

الغريب اللي اسولف له واقول

عن هوى نفسي كلامي يقنعه

مايلام اللي مثل حالي ينول

لو قضى ليله يساهر مدمعه

لي على الغالي وشوفاته ميول

وزود شوقي له غرام يصنعه

لو حصلّي شوفته همّي يزول

وقتها انسى البشر واجلس معه

اذكر اني بغيبته دايم اقول

هو حياة القلب هو له مطمعه

فرحتي ياخالد بيوم الوصول

ويفرح القلب بهم ٍ ودّعه


.
.

ياشوق .. أغنية ياشوق الأغنية التي يعبر كاتبها عن اسمى معاني الشوق والمحبة وتقول
كلمات هذة الأغنية الرائعة ..

ماني على فرقاك ياشوق ناوي

مير الزمن له وقفة ٍ بين الأحباب

يشهد على ماقول قلب ٍ شقاوي

دمع ٍ نثرته بان من بين الأهداب

كانك على ذبح الوفا فيني قاوي

اذبح خفوق اللي يحبك ولا تاب

واللي بقى من وقتنا مايساوي

لحظة نعانيها من البعد أغراب

لا يانجوم الليل مانيب هاوي

فرقى مناة الروح ولو طالت أسباب


.
.

بقايا جروح .. ألبوم رائع جداً لفنان اروع .. وسأعرض لكم اغنية بقايا جروح والتي هي من كلمات والحان خالد عبدالرحمن ،، وهي اغنية رائعة جداً جداً وما نطول عليكم نخليكم تشوفونها ..


بقايا جروح

خذني بقايا جروح ارجوك داوينـي
لا تروح الـــــــــــروح
كفى عذابي منك ليه تشقينــــي
مافوق جرحي جرح وجروح تاويني
وصبري فقدته بجـــــــرح
الموت له حروه خوفي يمسينـــي
يا خلي يا مرتاح ليتك تواسينــي
لا تنوي المــــــــــرواح
ملامحي جروح وش منك يشفينـي
ما بين عصف وريح الهم طاوينـي
وانت له مريـــــــــــح
ابيك لعمري يوم بالوجد تعطينــي


.
.


لو بكيت دموع عيني ما تفيد ...
الله الله يامخاوي ياسلام على على الأغنية الرائعة التي لطالما سطعت في سماء الأبداع لمخاوي الليل .. رائعة هذة الأغنية .. وهذة الأغنية من كلمات : غيوض ، والحان : سمير مبروك .. وتقول هذة الأغنية ..

لو بكيت ..

لو بكيت دموع عيني ما تفيد
وان شكيت الشكوى ما فيها مسد

كل يوم يذوب في قلبي وريد
اتصّبر مير ما عندي جلد

نار شوقي يذوب لها الحديد
وانتثر دمعي على خدي بدد

دايم ياشوق شوقي لك جديد
وان سألت العين لك فيها مرد

دمعتي تنبيك عن حبٍ اكيد
غيرها ياروحي وش بعد

كان قلبي قبل عرفي لك عنيد
ما يحن ولارمع غيرك لاحـــد

لين طوعته بحبك ياوحيد
والمحب يطيع محبوبه وحد

ياحبيبي غير شوفك ما اريد
دوك طرفي طايلٍ فيه السهد

ياحبيبي فيك ياحلو القصيد
لو كتبت الشعر في غيرك شرد

اتغنى فيك بأشواقي نشيد
بأصدق اللي قيل من بنت بولد

.
.

سامريات ابونايف ألبوم رائع منوع نجد فيه الأغاني العذبة الرائعة والمشهورة مثل الأغنية التي سأعرضها لكم وهي .. في غربتي تغرب النور عن عيني ~~~ وش حاجتي لنور عينٍ غاب غاليها ..
وشوفوا معاني الأبداع من شاعر أغنية في غربتي وهو طبعاً ملك الفن خالد عبدالرحمن وهي ايضاً من الحانه .. لانطيل عليكم الحديث .. وها هي الأغنية ..

في غربتي

في غربتي تغرب النور عن عينـي

وش حاجتي في نورعين غاب غاليها



امر السفر يا نظر عيني قضى فيني

نفسي على ما تعاف امر الله حاديهـا



يمك حبيبي عظيم الشوق يدعينـي

يسري بعروقي كما يسري الدما فيها



علي خطرها حياتي يا معنينـــي

بعدك عطبها وشوفك حيل يشفيهــا



اخاوي اللي وهاجس للي يخاوينـي

يمك سرابي داعي الذكرى بحاليهـا



اقضي بدنيا لعيني شوفها مشينــي

الى متى عيني على شوفك تمنيهــا

.
.


اهات من طول العنا طاولتني ... ألبوم كامل لهذة الأغنية ما معنى ذلك ؟
الجواب :- ان الأغنية رااااائعة جداً وهي اغنية لا تخفى على احدٍ منا ونرى كلمات الأغنية ..

اهات من طول العنا طاولتني
ونفسي من الفرقا وحالي صخيفه

جارت علي من الفراق وقصتني
عزت ولكن ما نوت بالنكيفه

بهمومها اللي شفت منها كوتني
هذا خلى حــياتــي مخيـفه

باكر يروعني وانا فيه فتني
واقول ليت الغيب يبخل بحيفه

خيل السعاده بالهوى خالفتني
خالفت معها عيد قلبي وريفه

وهبت هبوب بالنيا عطشتني
وكم غالي قبل ظما وليفه

ليت الليالي عن غرامي نهتني
ولا بدى زرع الامل منك هيفــه

والا انها في غايتي خيرتني
واختار أنا .. مرباع قلبي وصيفه

خلن جيوشه بالمحبه غزتني
وانا اسير للعيون العفيفه

اغلي هجوس طول الأيام جتني
هاك الهجوس اللي تجيني بطيفه

الماضيات بغيبها ما انصفتني
والقبلات ارجى عدلها خليفه

اتبع ظنون بالهوى ماشفتني
احسب همومي بالمحبه خفيفه

واليوم ظالمة المحبه طوتني
طي الورق يوم انطوى به خريفه

واشباح يأسي بالهموم اعترتني
وانا علي اسباب صدك كليفه

واشيل حتفي راضيٍ فوق متني
واروح نفس من حياتي معيفه

واقول للي بالجفا عذبتني
عسى الشقا من بيننا بالنصيفه

شريت من فيض الشقا واشبعتني
دنيا مع الاحزان ضدي حليفه


.
.

ودي تشوف الهم وشلون سوى
في حال من حبك على غير مصلوح

جرحتني جرح جديد تلوى
على خفوق منك بالحيل .. مجروح

وسويت فيني شي ما يتسوى
واقول يا سيد المماليح مسموح

ليتك بزلاتك علي اتروى
يوم ان الحب لك من الروح للروح

إن كان حيل وصالنا ماتقوى
الله يعين عيون "السامر" على النوح

لا يابعد من جابوا آدم وحوا
خطاك مهما صار منسي وممدوح

ليتك دخلت بداخل القلب..جوا
حتى تشوف بعينك الجرح .. وتروح


.
.


امر تدلل .. الألبوم الجيد لملك الفن .. امر تدلل من كلمات : السامر والحان : خالد عبدالرحمن .. الأغنية بمنتهى الروعة وخرج خالد فيها عن عاداته في تلك الفترة .. اي انها أغنية متحركة ليست كـ ( خبروه أو العطاء ؟؟ ) .. لا اطيل عليكم الحديث .. مع ان الحديث عن مخاوي الليل شيق للغاية ولكن .. هذة ( امر تدلل ) ..

حبي لك اكبر من جميع التواصيف
حبي لك اكبر من كلام يقالي

**** لك ضافي ولافيه تزييف
اصفى من المي القراح الزلالي

الحب مابين القلوب المواليف
سعادة مابين غالي وغالي

ان غبت جابك في حلا نومي الطيف
وان شفت زولك كل شيء صفالي

من غيرك الايام ياصاحبي صيف
انت الربيع اللي بنيته زهالي

دايم وانا امشي لك حبيبي على الكيف
امر تدلل لك علي الدلال

.
.

صفحة جديدة .. ألبوم غني عن التعريف .. قيل انه افضل ما نزل لملك الفن .. ولا احد يستطيع المعارضة فا الألبوم يضم 4 أغاني بمنتهى الروعة وهي صفحة جديدة ، تذكار ، حالمة ، بينك وبيني .. لن اكون بخيل عيكم هذة المرة وسأطرح كل ما سبق .. بدايةً بصفحة جديدة ..

افتحي صفحة جديده ياملاك
وانسي اللي فات نبدى من جديد

دام قلبي يحترق قد مانساك
والمشاعر في هوى حبك تزيد

ماكفاك اني على درب الهلاك
انزف الدمعه كما نزق الوريد

من عذبي صرت افكر في رضاك
وانتي احساسك على احساس بعيد

وافي صادق معك اطلب رضاك
وأن بغيتي حب ثاني ما يفيد

.
.


وبعد ما استمتعنا بأغنية صفحة جديدة ننتقل الى الأغنية الرائعة تذكار وهي من كلمات والحان خالد عبدالرحمن ،،، فـ الى تذكار ..

تذكار عيشي على الــتــذكــار
إن كان يحصل لك تناســيــهــا

بفراق تالي انتهــت الأخــبــار
عشرت حياتي اليوم ماضـيــهــا

لا تحسبي سـرك مــن الأســرار
ألي على الجنسين تفـشــيــهــا

منك الخطايا انتهــت بــأعــذار
وعيونك النكران معمــــــــــيها

قلبك من أحداث الفشل مـحــتــار
تستخسري خطوه مشيـتــيــهــا

ما يهتني منه غــريــب الــدار
مثلك غريبه وسط أهـالــيــهــا

وأنا ألي فيني من الجروح كـثــار
لا أنتي ولا غيرك يــداويــهــا

الله حسيبك كيف قلــبــك صــار
باع المحبه وأشتـرى فــيــهــا

صرنا على هذي السوايا كــبــار
قبلك عذارى ما مشـو فــيــهــا

حلمي عطش أهي تسان صــغــار
هذي السوايا مين يـســويــهــا
.
.


حالمة .. ماذا اقول وماذا اترك ؟ أغنية بأحساس مرهف وصوت جهور عندما يبداء خالد بغناء هذة الأغنية الرائعة تكاد عيناي تدمع .. هذة الصراحة ولن اخفيها عنكم اغنية رائعة جداً ولا يسعنيي الا ان اطرحها لكم ..

حـــــالمـــة :

حالمة وابّعاد تفكيرك خيال
في هجير الشمس ماتلقين فيّ

يوم عشتي من حناني في دلال
تحسبين انك ملكتي كل حيّ

لو تندمتي وناديتي تعال
ماتغير صرخة احساسك عليّ

كيف وانتي للكبر صرتي مثال
وانطويتي بدنيتي احلام طيّ

غرك احساسك وتحقيق المحال
لا بغيتي شي خذتي كل شيّ

الغرو يحطم جسور الوصال
يعمي عيونك ترى عن كل ضيّ

الغلا له حد يابنت الحلال
خففي من كبرك الزايد شويّ


.
.

بينك وبيني أغنية غريبة عجيبة حيث ان الشاعر عبدالله عبيد البقمي جمع أغاني خالد عبدالرحمن من صارحيني الى صفحة جديدة وخرجت لنا اغنية بمنتهى الروعة .. ونتركم معها ..

بلاميعاد ياضاميه افراق..
انتي السبب في الي حصل صدقيني..
هذا موادع بين شوقٍ ومشتاق..
تقوى الهجر لاصرت لا ماتبيني..
من دلعك تسلين باهات عشاق..
وين انت في وقتٍ مضى ترتجيني..
في ضحكتي الآم واحزان واشواق..
مأساه حبي قولتي صارحيني..
الله اقوى للندم صرت منساق..
وش فايدة دقات قلبي تجيني..
فكري وروحي لجل حبك به احراق..
ماتت حرف الحب قومي ادفنيني..
خذ ماتبي واخذ الصور واخذ الاوراق..
واترك بقايا جروح..بينك وبيني..
بنساك انا لوبكيت من الاعماق..
بس الزمن يصرخ يقول اذكريني..

.
.

عقد وسوار ألبوم غنائي نجح نجاح باهر يتميز هذا الألبوم بأغاني عدة ابرزها .. ( عقد وسوار ، لوعتي ، زليت ، عشق بدوي ) .. وسأقوم انا بطرح كل ماسبق اليكم .. بدايةً بعقد وسوار التي هي من كلمات / بدر بن عبدالمحسن ، والحان / محمد شفيق ..

عقـــــــد وســــــوار ..


لا شاريٍ عقد ولا مهدي سوار
لاتلحقي نفسك هموم وحسايف

تريثي يا قرة العين مقدار
ماتشرب عروق القصيد الوصايف

لا من قدحت الشعر وشبيت لك نار
نارٍ على روس الهضاب النوايف

يطرب لها الساري ويسري بها الطار
وتزهر بها عقب المحول الشفايف

قصيدةٍ تولد ورى باب وجدار
سر الضلوع المرهفات النحايف

بأهديك انا عمر ولا كل الاعمار
يفني القلم عقبه وتفنى الصحايف

غيبي وشيبي واتركي كل ماصار
يبقي جمالك في قصيدي طرايف

خلي الكواكب من سنا نورك تغار
ولا تلحقي نفسك هموم وحسايف


.
.

لوعتي فيك لوعه مالها من مثيل .... جدد الوقت جرحي بين يومٍ وليلة

وهي من كلمات والحان / مخاوي الليل ..

لوعتي ..

لوعتي فيك لوعه مالها من مثيل
جدد الوقت جرحي بين يوم وليله

آه ياحـظ جـد لي لو بشي قليـل
ما خبرتك كريم مير مافيك حيله

حملي اللي اشيله فوق متني ثقيل
كل ماجيت احطه عارضتني بحيلـه

ليتها عن هوانا تنتحـي للبديـل
كود حالك حبيبي يمي يطلق سبيله

من غلاك افتخربك واعمل المستحيل
لو اعاني حياتي خل يعشق خليلـه

ما عرفت المذله لا ولا انته ذليل
عزة النفس فينا يا حبيبي حصيله

سالت ادموع عينك وانا دمعي يسيل
حزني اللي ملكني والليالي طويله

وقتي اللي طلبته من واثره بخيـل
شح وقتي ودبـر ما عطـاني قليلـه

.
.

( زليت ).. الأغنية الرائعة لمخاوي الليل وهي من كلمات / محمد الخضيري والحان / سمير مبروك ..
تتميز بكلماتها الرائعة جداً .. والى زليت ،،،،،،

زليت...وابن ادم معرض للخطا


زليت...وفي حالة غضب جرحي سطا


استسمحك واقرى بعيونك لي عتب


وش في يدي اعطيك عن هذا الغضب


ليه العجب..انا بشر اخطي


وسبحان اللي كامل بالعطا


قبل الوداع..وآخروداع


اسمع كلامي وافهمه


راجع سطور الناس في عمر الزمن


من فينا ماداس الخطا


من فينا كامل بالعطا


اصبر علي وادمح خطاي


وان ماقوى صبرك رضاي


انا بهواي مجروح..ومن يصبر علي


هجرك الم


اقولها واقسم قسم


متى الظفر يطلع


ياعمري من اللحم

.
.

عشق بدوي

نويت مرباع الغضي سيد الاحبـاب
قصدي يزول الجـرح زاد التهابـه
جيت وبقايا نارهم حـول الاطبـاب
وبيت الشعر مطوي وباقي زهابـه
اقفت ركايبهم ومنـي الهـدب داب
من دمع يسـال وانذهـل بالاجابـة
على غزير الدمع ضميت الاهـداب
صبيت لين الدمـع يقفـي سحابـه
بعض الوجع يمكن تداويه الاعشاب
وبعض الوجع يا ويل منهو سطا به
عشق بدوي لا حب ما هوب بكذاب
يوفي ولو جرحـه تجـدد صوابـه
واليوم وصلت بيننا مثل الاجنـاب
ذاك الغلا يا ضيعتـه يا سفـا بـه
باكر الا جينا لهم مثـل الاغـراب
من عقب ما كنا الاهـل والقرابـه
الامر لله وكـل شـي لـه اسبـاب
ولا الهوى وش لي على هـج بابـه
وشلون قلبي ما يجي منه منصـاب
على الرجم منقوش بعـض الكتابـه
حتى اثر مشيه مع سهول وهضـاب
مـر يبيـن ومـر مـا يندرابــه
قلبي من الفرقا صويب ومرتــاب
كنه غدا نصفين من هول ما بــه
حزني عليه انه تسبب و لا طــاب
نظرة طبيبه عجلـت فـي ذهابـه
ريح الخزامى والنفل زين الاطياب
ويشدني ريح السمـر فـي ثيابـه
لاقبل نسيم الليل له خيل وركــاب
وله في طلوع الشمس عز و مهابـه

كلمات / سعد الخريجي
الحان / صالح الشهري

.
.


هنا يعجز اللسان عن التعبير .. لماذا ؟

كيف تسأل لماذا .. وهذا الألبوم الأروع لخالد عبدالرحمن !!

هذا هو الأروع نعم .. لأنه يضم أغاني ليست عادية ..

مثل .. ( فرحة لقانا ، لك عين تسأل ، عيون الحب ، توني دريت ، يالله النسيان ، سيد الحب ، الطرف الحنون ) وكالعادة سأقوم انا بكتابت كل ما سبق لكم ..

فرحة لقانا ..

لا تستحي قل احبك تعبت اسماعي
ارجوك لا تستحي ياصاحبي قلها

اطلق حجاجك وخله يرسل الداعي
فرحة لقانا ترى ماابيك تقتلها

ضاح بجبينك لعيني نور وشعاعي
وعيوني لشوفتك مع خافقي ولها

خذ جرحك العام بي من هاجس ارجاعي
والا يا بو ضحكةٍ .. بيديك كملها

وان قالوا الناس عمري بالهوى ضاعي
بانت لك اسرار قبل اليوم تجهلها

ياصاحبي هاجسي بك دايم واعي
فيك انت نفسي تجادلني واجادلها

مرً تكون الرعية والهوى راعي
ومرً اكون الرعية وانت كافلها

افرح بطيفك يجيني وارفع شراعي
والنفس بوعودك اللي كذب عللها

.
.

لك عين تسأل ... أغنية من ابرز أغاني خالد بألبوم فرحة لقانا .. وهي من كلمات الحر والحان خالد عبدالرحمن .. وتقول هذة الأغنية ..

لك عين تسأل
بعدما جرحت فيني بالكلام

لك عين تسأل
بعد ما بيني وبينك من خصام

تنتظر مني الرضا واتجاهل ما مضى
ما كن في قلبي ولع واستوى جمر الغضى

أسف لا تحاول مني اني انتظر
أسف وكلمة أسف ما تكفي لك عذر

تنتظر مني ارد بعد ما صار الي صار
وانا مالي الا ارد كلمة لك بإختصار

كنت أحبك في غرورك في عنادك
كنت أحبك مابغيت الا ودادك

فجأة ترخص في تقديري وحبي
وتغرق بحالة غضب ما أعرف ذنبي


.
.

عيون الحب .. الله الله الله يامخاوي والله ياطلال الرشيد على هذة الكلمات ..صوت رائع وكلمات رائعة ولحن رائع .. ثم نجد لدينا أغنية معطرة بالروعة ..

عيون الحب

عيون الحب لا يمكـن تناظـر
عـيوب الخل لو هو عيب كله
تماري فيـه وبـوصفه تكابـر
ترى من فوق خلق الله محلـه
رفيق الليل في الشباك ناظـر
واثاري الليـل شبـاك لخلـه
حفظ احلى الكلام وصار شاعر
بصبر ينتظـر والصبـر ملـه
حبيبي عشت في دنيـاه عابـر
حسب قوله ويا شعـري فقلـه
انا ضحيت له وارجي وصابـر
واذا عيـا اقـول اللـه يحلـه
على اللي ينتظر يا بعد باكـر
يبـي السلـوان والذكرى تظله
عيون الحب في قلبـي تناظـر
تشوف اللي عيوني مـا تدلـه

كلمات / طلال الرشيد
الحان / خالد عبد الرحمن


.
.


توني دريت ..ابداع من مخاوي الليل من كلمات والحان .. جسدت هذة الأغنية معاني العتاب والصمت والجراح .. لا اطيل عليكم تعبيري .. تقول كلمات هذة الأغنية :

توني دريت ان حبك غلطتي
توني دريت بالصمت حارت كلمتي وماحكيت

ما قويت انطق حروف
صابني عجز الكلام ولا شكيت

يطيب لك تجريح قلبي الوافي
لاتحمليني هم منك ذا كافي

ظميتك وانتي الماطر
بكيتك ماضي وحاضر

لقيتك في حياتي خوف
سطى بقلبي وعل الروح

وبان طرفي الساهر
وخدعني فيك قصر الشوف

لك بجوفي المحبه من سنين
ومنك خوفي .. خوفي انك تجرحين

وهذي النهاية بعد جرحي
وش تبــــــــيـــــــن

اببتعد واتعبتني خطوتي
ترتعد من شعوري بغلطتي

الالم والاسى من خفايا رحلتي
توني دريت ان حبك غلطتي

.
.


يالله النسيان اغنية رائعة من كلمات والحان مخاوي الليل رائعة جداً كلمات رائعة ..

وش تبين
بخفايا روح مجروح الزمن

وش تبين
ما بقى للحب مايسوا الثمن

من ضحايا العشق
عشنا والجديد جروح

لا وننس في خاطر اللي
ذاب عمره جروح

اتركيه اللي خفى بنفسي ومات
لي جسد يابنت فارقته الحياة

لا تسأليني
شيء راح وكان

عاصره انسان
والنتيجة مره

عشتها بكتمان
يالله النسيان

.
.

احسن بك النية وتفتح علّي ابواب ~~~~ باب النكد ياعجل ماتفتح ابوبه

سيد الحب .. رائعة من روائع مخاوي الليل .. طبعاً هي من كلمات والحان مخاوي الليل..

سيـــــــد الحــــــــب ،،،،،

احسن بك النية وتفتح علّي ابواب
باب النكد ياعجل ماتفتح ابوابه

ان جيت ابين لك على رغبتي بأسباب
اخطيت في تقدير ظني مع اسبابه

خليتني اخشاك ما كننا احباب
متعوس قلبٍ ماتوفق مع احبابه

واليا بغيت اطلب حسبت الف والف حساب
يرضيك من حبك معك يسقط حسابه

ان قلت لك مرتاح والله انا كذاب
وان كان روحي سرّها البعد كذابه

الشوق يدني ربع من طولوا غّياب
والشوق يذبح لي تباطوه غيابه

اقولها والنفس تحفظ لك الترحاب
يسوقها فكرٍ عطاك كل ترحابه

اني بحبك سيد الحب ولا ترتاب
اسكنك ياحبٍ هجد نفس مرتابه


.
.

جازت النظرة .. من الطرف الحنون ..

كلمات والحان خالد عبدالرحمن هذة الأغنية .. نتركم تقرؤنها على راحتكم ..

الطـــــرف الحنـــــون ،،،،،،

جازت النظرة من الطرف الحنون
وجاز لي باقي حلاك وحشمتك

يوم كلن بالنظر عينه تخون
شفت اللي عصمها نظرتك

ياغريب عن عيوني من تكون
انت كل الزين كمّل صورتك

منك انا بأرسم على حرفي فنون
والفنون اشكال .. وفنك قبلتك

العقل ما باح فعل الجنون
وادري انه ماتعوض صحبتك

جازلي وصفك وانا الي ما أمون
بس تقبل ماكتبته فدوتك


.
.

على النوى الألبوم المطروح سنة 98 ..

سأطرح منه ثلاث أغاني وهم ( على النوى ، ماني بميت ، غلطة زماني ) .. وأبدع ابونايف في هذا الألبوم الجيد بالفعل .. واليكم على النوى ..

"على النوى"

على النوى علمي بهم هجعة الليــل
نجل العيون الي من البكى كحلها سال

واليوم غير ألياس قل المراسـيــل
يا من يطمني عسانا ليلهــم طــال

الله على ألي ما صفطلي غرابـيــل
لا شك شرع الحب همن وغـربــال

قفى ولي في حجر عينه تعالــيــل
تقول يا ذا البعد نجزيك بـوصــال

وتعلقت روح الليالي المقـابــيــل
يا عنك ما يا من من الوقت رجــال

لا ما علي لو دمع عيني همالـيــل
الموت دمع القلب لا صار هـمــال

.
.

ماني بميت لي نسيتي غرامي @@ ببكي عليه ايام لحد ما انساه

ااااااااه ياسلام على الأبداع الرائع لمخاوي الليل .. هي من كلمات / عبدالله الرشود ومن الحان / خالد عبدالرحمن .. واليكم هذة الأغنية الرائعة ..

ماني بميت"

ماني بميت لى نسيتـي غــرامــي
ببكي عليها أيام لحد مـا أنــســى

عهدن علي إني لأتمـم كــلامــي
وأرد قلبي عن طواريـه وأنــهاه

لو الثمن عمري ولذت مـنــامــي
ما أرجع لحبن غير الوقت مـبــدء

حبن بدء ثم إنتهاء في ظــلامــي
ما عانقه نور النهار وتـغــشــى

لوني تحت غيمت حنانه وظـامــي
كسيري ذابحني العطش ما تـرجــاه

لا أزحف ولو ما شال جسمي عظامي
عن موقفه وأدفن عن الريق مجــراه

ما عاد له بين النواظر مقــامــي
خطف أشتياقي داعي الوقت صحــاه

هاذي الحقيقه لى نسيتي غـرامــي
ماني بميت ببكي أيـام وأنــســى


.
.

هذا مكاني وانت هذا مكانك @@ والحيرة الي تجمع اثنين عله

أغنية رائعة جداً من كلمات / فله ، ومن الحان / خالد عبدالرحمن ،،،

"غلطة زماني"

هذا مكاني وأنت هذا مـكــانــك
والحيرة ألي تجمع أثنيـن عــلــه

غلطة زماني وأنت غلطت زمانــك
مثلي تحمل ما تحمـلــت شــله

صبرك حبيبي جاير الوقت هـانــك
من لا تزهلك تجنـبــه وخــلــه

من لا يهمه عزك وعـز شــانــك
قل له على وعد السلاطين قــلــه

وإن كان ظنك فيه كذاب وخـانــك
ما ضرنا في أول العـمــر زلــه

البعض يقرب لك من أول بنـا لــك
كـم من يمـين خـانـها الكـف كلـه

من فوق نجم ونجم هذا طمــانــك
وأليا أعتليت قدرك أعلى محــلــه

أنت الملاك ألي طغى بك حنـانــك
وأنت الذي بالعطف يا كبر ظـلــه

.
.

قلبك كبير كبير .. وانا خطاي كبير

الألبوم الرائع جداً لمخاوي الليل وسأعرض لكم منه أغنيتان وهم ( قلبك كبير ، تعالي ) ..
فنبداء بـ (قلبك كبير ) ..

قلبك كبير ..

كان الخطا .. كله خطاي
وانا اعترف لك واطلب رضاك

قلبك كبير كبير
وانا خطاي كبير ..

حتى قرارك ضدي
اثر علي كثير ..

نطلب رضاكم .. ذا من غلاكم
كان الخطا .. كله خطاي

وانا اعترف لك .. واطلب رضاك
قلبك كبير كبير .. وانا خطاي كبير

حتى قرارك ضدي
اثر علي كثير

لولا هواكم .. ما كنا معاكم
كان الخطا .. كله خطاي

وانا اعترف لك واطلب رضاك ..


.
.


تعالي نسكت احسن من @@ كلامٍ تاليته جروح

هي الأغنية القادمة .. والتي هي من كلمات / رشيد الدهام ، ومن الحان / خالد عبدالرحمن ..

تعالــــــي


تعالي نسكت احسن من كلام(ن)تاليته جروح
هلا بالصمت دام الصمت مايجرح مشاعرنا
انا وانتي وطول الصمت والدمعه وكثر البوح
وليل(ن)مابقا به حيل ينهانا ويآمرنا
بكا ماكنّه اللي كان يغرينا فرح ومزوح
سكت..ماكنّه اللي كان ملهمنا وشاعرنا
توحّي تسمعين الليل مدري وش بلاه ينوح
على ضحكاتنا.. والا على كسرة خواطرنا
اذا يبكي من الفرحه علينا علّميه يروح
واذا يبكي حزن تكفين قولي له يسامرنا
ويجبر خاطر(ن)قامت هواجيسه تجي وتروح
يشوف الحال ويكف السؤال اللي محيرنا
صحيح انّا صبرنا واعتبرنا صبرنا مصلوح
ولكن.. مابقا شي(ن) عقب هذا يصبرنا
دخيل العاتق اللي له ورا ليل الجديله ضوح
وفي جاه الشفاه اللي بنسمتها تعطرنا
وفي وجه العيون اللي بقا للدمع فيها روح
لاجل خاطر.. ليالينا وماضينا وحاضرنا
تعالي نسكت احسن من كلام(ن)تاليته جروح
نحب بصمت.. دام الصمت مايجرح مشاعرنا


.
.

أعـــــ ( أول اطيافي ،أصدق معاذيري ، لبيه ، للغايب عذر) ــاني ،،،،

بدايةً بـ أعاني ، وهي من كلمات / غيوض ، ومن الحان / حسين العلي..

أعاني

حاولت أجيبك للضحى وأنت عييت حاولت أغطي الليل لأجلك عصاني
أفرد ضلوعي وأنده الحي والميت ولا ندهتك رجع صوتي دعاني
ما غير أنا اللي شلت جرحي وونيت ما غير قلبي لي طلبته عطاني
لو إن بوحي كثر صمتي تمنيت لو إن عيني شافت الدرب جاني
شمسي هجير ومهجتي كلها بيت أهجها وأطوي عليها زماني
لأجلك إلى جض الهوى بي تغنيت لوني من جروح المقادير أعاني


.
.


أول اطيافي .. من كلمات / أثيل ، ومن الحان / خالد عبدالرحمن ..

وتقول الأغنية ..

أول أطيافي

من أول خفقه بصدري وأنا فيك أرسم الأحلام
من أول طاري الأشواق وأنت أول أطيافي
نذرت العمر لعيونك عسى تقبل بك الأيام
عسى باكر يجي بكري وتوقد ليلي الطافي
يا أول حب يملكني من الهامه إلى الأقدام
زد بهجرك زد بصدك حشى ما أقول لك كافي
أنا كلي صبر وعناد كثر ما بالعمرأعوام
كثر ما قلت لطيوفك متى يلفيني الجافي
ولو بحر الهوى غدارأنا يا صاحبي عوام
مدام عيونك المرسى سنين العمر مجدافي

طوينا صفحة الماضي وتبنا خذينا اللي كفانا وأنتهينا
وعند قولك نبي نصبر تعبنا وعن من لا يراعينا سلينا
نبي نسلا من الحب ونشينا عذاب الحب مكتوب علينا
نهاية حبنا ياســـــه غلبنا ولكن يا زمن وش في يدينا
لحبك يا بعد روحي شربنا وتكسر كاس حبك في يدينا

جرح قريم داخـل القـلب مرسام واليوم قلبي منك كثرت مراسيمه
ليلي غدا موحش خلا ضلامها سام لا نجوم ولا قلب البشر سجني مع سيمه
الناس ترزق في الهوى حظه أقسام وانا مثل من ضاعت حقوقه ومقاسيمه
ماني مثل من ياخذ الحب طرسام اللي تعبث في الهوى نفسه طرسيمه
ما ذقت انا مثل البشر فرحه موسام يوم الفرح أكفى وأخذ عني مواسيمه
اقضي من الوقت البطي مرد الأنسام ضاق الحشا وتقفل في جوفي مناسيمه..

.
.


أن كان حبي لك هو أعظم خطاياي @@ ما أقول يانفسي عن الحب توبي ..

أصدق معاذيري ..

من كلمات /همس .. ومن الحان خالد عبدالرحمن ..

أصدق معاذيري ..

إن كان حبي لك هو أعظم خطاياي ما أقول يا نفسي عن الحب توبي
أجمل خطاي واخر حدود دنياي وأصدق معاذيري وأطهر ذنوبي
نزعات روحي لك تباري نواياي والقلب يمك والمشاعر صعوبي
حب لك الله ماكر في حناياي أبيه لو ضعت في أكبر عيوبي
كل الهوى والحب باقي بقاياي خذت أوله واتلاه واقول دوبي
ومن له مثل حبي يسوي سواياي ياصل مواصيلي ويسلك دروبي

.
.

لبيه .. الروح في شوفك عليك اليوم ولهانه ..

من كلمات / بنت العطاء ، ومن الحان / خالد عبدالرحمن

وتقول ،،،،،

لبيه ..

الروح في شوفك عليك اليوم ولهانة والقلب يفرح فيك إلى من شافتك عيني
القلب لعيون الغلا وعيون خلانه بنسى الزعل كله ولو بعدك معنيني
أنت الوله والشوق وأنت الحب سلطانه يا بسمة أيامي ألا يا ضحكة سنيني
من قال يا عمري عليك النفس زعلانه أجرح وعذبني مدام الجرح يرضيني
لبيه يا قلب ملكته وأنت وجدانه لبيه يا من هو عن همومي ينسيني
يا عمري الباقي ويا حلمه وعنوانه بيديك تجرحني ومن لمستك تشفيني

.
.

للغايب عذر مثل ماذكرت سابقاً انها من افضل أغاني خالد عبدالرحمن لحناً ..

وهي من كلمات / غيوض ، والحان خالد عبدالرحمن ..

"للغايب عذر"

كنت انتظر ليما الفجر والوقت يسرقني..يسرقني ويمر..
ياموعدي وقف صبر ابنتظر واصبر على نار..نار وجمر..
وبعذرة يمكن للغايب عذر!!..
انا والحيرة وشوقي في زحام..ياكثر ماجاء على بالي كلام..
افكارتوديني..توديني وتجيب..اهوجس بعيد..بعيد وقريب..
ياهل ترى بينا خصام..والاماعادلي حب .. حب ومقام..
مااظلمة لالاحرام..لالاحرام..

وش الي صار مااصعبك ياانتظار طلع نهار..طلع نهار..
ياصاحب الموعد..الموعد تعال..في الموعد تعال..
شووف حالي حال!!..
اصارع الوقت الي طال..اصارع الوقت الي طال..اصارع الوقت الي طال..

.
.

الذاهبة ،، وهي أغنية من كلمات / ناصر القحطاني .. والحان / خالد عبدالرحمن .. وتتكون هذة الأغنية من 30 بيت ..

الذاهبة

الله اللي راد والعقدة قضاها اللي عقدهـــــا لا على الدنيا سلام و لا لباقي العمر زينــــة
الفضاء ما كنه ا لا خيمة طاحت عمدهـــــا والفرح ما كنه ا لا شيخ انقصت يدينــــــه
والعمر قطعة زجاجة انكسرت ولا طال امدهـا والعرب في العيد بدموع اليتامه مستهينــــه
والشوارع لفها ثوب الظلام اللي هجدهـــــا والبيوت طلال من عقب المحبة والسكينــــة
والشتاء والليل والبرد وسماء يصرخ رعدهــا والعيون اللي ورى الشباك مذعوره حزينـــه
طولوا في الكهف الاصحاب وبقت روحي وحدها كنها في كوكب ثاني خلا من ساكنينـــــه
والوداع اللي بعلم العين يعبر من رمدهــــا والوداع اللي بلا علم القفص صدري غبينـــه
والوداع اللي بلا رجعه علي مرّ وودهـــــا والله انه غرغرت سم وسكاكين سنينــــــه
والعنود اللي جفيت الناس و الدنيا بعدهــــا مدت الفرقا لغاليها وهي تعطي الثمينـــــة
وينها كيف اتركتني ليه ما جت في وعدهـــا والقمر لا طل اذكرها تجي بيني وبينـــــه
رحت انادي و تلمس في مهب الريح يدهـــا كاني حصان بلا صاحب طول البيدى حنيــنه
رحت اصيح الصبح وينه والعرب ما رد احدها ما سمعت الا صدى صوتي يقول الصبح وينـه
كانهم من يوم ذيك الشمس غابت عن بلدهــا طلعوني في النفوذ وسكوا ابواب المدينـــة
كانهم من يوم ذيك الذاهبة ما احدٍ وجدهــا كل رجال من الشرها رأه الدرب عينــــه
اثرها ماتت وماتت كل فرحه في مهدهـــا والربيع اقفت به اللي كانت التاج لجبينــه
جاورت عقب الحدايق حفرتٍ ما اقسى لحدهــا حفرتٍ ماني مصدق كيف ضمت ياسمينـــــه
للحزن فيني كثر ما للطهارة في جسدهـــــا ويش اسوي لا فتشت اللي لها وسط الخزينـــة
زخرفة حلم وبنت له مسكن وسمت و لدهــــا آه لو غرت ولدها في خميلة والدينـــــــه
عاهدتني وطمرت في من اقوى من عهدهــــا والصميله خير فيه ان كان ما نفذ يمينـــــه
ما تثقى عن رثاها عرق اقتض بشهدهــــــا ولا تبقىّ خلف قضبان الجفن عذرى سجينـــه
كيف عند العالم ايام العزى ما احصى عددهــا ولا لطالت شهوره والله اعلم كم سنينــــــه
لا الثرى فيها نبات ولا المشي خفف نكدهــــا لا السماء فيها طيور ولا البحر يمه سفينــــه
لا القمر هذا مساه ولا العصي هذا رغدهــــا لا الزهر هذا شذاه ولا الذهب هذا رنينـــــه
قالوا الشيخ الفلاني مرجع القوم وسندهــــا قال ابشر بالعوض العلم جينا ناقرينــــــه
ساقني لك بدر البدور اللي نشدها من نشدهــا جادلن هزت عروش وخيبت رووس ذهينـــه
قسمها في رسمها في جسمها ا لا في رشدهــا واسمها انجال الغضب قومه على الالسن رطينه
اتركي الناي و عطين شيخنا غنى لسعدهـــا وانبسط يا عم وانسى اللي ورى التربة دفينـه
قلتوا لصدري تناهيتٍ تروع من شدهـــــا آه واويلا من يجذب على قلبي ظنينـــــه
خلوا اغلى ذاهبة ترى ربيع اللي فقدهــــا والعطاء راعيه محدٍ صوبه الله لا يهينــــه
لو ضمنت الجنة تفاحة القلب وشدهـــــا قلت من بكره عسى مجنونها تاقف سنينـــه
الله اللي راد والعقدة قضاها اللي عقدهـــــا لا على الدنيا سلام و لا لباقي العمر زينــــة


.
.


ياهاجري .. الألبوم ماقبل الأخير لملك الفن ..

وسأعرض لكم منه أغنيتان .. وهم ( ياهاجري ,, وهي من كلمات / محمد بن راشد المكتوم ..
وليلة )

يا هاجري

ليش العتاب وانت الذي دومك معي في خاطري
يا صاحبي الليـل الـذي اذا تحدر تمنعـه
في مهجتي من كلمتك أوهـام حـلم شاعري
ما أقدر على وصفه ولا اقـدر بأني امنعـه
غني معي قولي لي عنـدك صناعـة ساحـري
و انت على ما تشتهي قـول توده تسمـعه
قلبي ترى مـا يحكمـه منظـر غـزال نافري
لو كان وصف صاحبي من دون ذنب يقطعه
يا هاجري احلى الصور عندي بقت يا هاجري
يتبعك قلب صاحبه من حبكم ما هـو معـه
منهـو يساعدنـي علـى حـظ ردي عاثـري
ما هجوتي الله يغير لي اللي فؤادي ضيعـه
فيك السحر منك الغلا كله بدى فـي ناظـري
عيّت عيونـي كلمـا زولـه تبدى تشبعـه
ارعى البروق اشوفها ماضي وطلعت حاضري
براق من صوبـك بدا وانـا ونوقـي نتبعـه

كلمات / الشيخ - محمد بن راشد آل مكتوم
الحان / أنور عبد الله

.
.


ليلة ..

ليله ... غريبه كانت الليله ... سهرتك ليل تعليله

حلمي حلم طفل سعيد ... حلم بعيد ... وكانت ليلتي بخيله

خذني جسد مع روح ... اذوب بغرامك حيل .. ليله ثمنها روح

وخذ قلبي المفتوح .. عشتك حبيبي ليل .. يا سري المفضوح

يا اطهر من الما .. وانقى من الغيمه .. لحبك اظما

يا صبح لا تقبل .. عط الليل من وقتك .. وامهل سهارى الليل

عمرنا ليله .. وحبنا ليله .. وكلها ليله

.
.

والان وصلنا الى اخير ألبوم انزل لخالد عبدالرحمن ..
والذي امتعنا فيه .. ويتكون من 6 أغاني وهم ( ابصملك ، انزعه صمتي ، أسهرتني - توادعنا ، ذبحنا الشوق ، تروّي ) ..

.............................…ابصملك على العشره…..................

غـيـرك ماطـرى ياشــوق
لـولاح بـسـماي بــروق

مالـلـحــــب بـعــدك ذوق
ابـصملك عـلى العـشره


زان الـدهـر وإلا شـــــان
فـيك الـمغــرم الــولـهان

دايـم حيـل لك شـفـــــقان
ابـصملك عـلى العـشـره


حـبك مـــصدر الهــامـي
لاجـلـه دايـم ســـامـــــي

بـلسـم جرحــي وآلامــي
ابـصملك عـلى العـشـره

لـوَ العـشـق أضـــنــانـي
ووصلـك فـيـك عــزانـي

حبــك ســر وجــدانــــي
ابـصملك عـلى العـشـره


.
.


انزعه صمتي


انزعه صمتي وعلمني الكلام
خلني أقتل مفاهيم الخجل

واكتشف من عندي اسرار الغرام
شوفة عيونك طموحي والأمل

أظهرتها عيوني همي والهيام
متعبٍ هالحال قلبي وماحمل

بأقطعه وقتي وبأوصلك سلام
ياحيات الوصل أو حل الأجل

ليت أنا أبكي منك ليلي طول عام
وأذكرك شخصٍ بعيني ماكمل

بس مشكلتي بقدرك ياوسام
منك ماشفت الخطايا أو زلل

.
.

أسهرتني ياغـلا

أسهرتني ياغـــــلا
والنــــاس هـجاعـــي

الـــنوم عني جـــلا
يـازيـــن الاطبـــاعي

الــهم منك إعــتــلا
والــسد بـك شـاعـــي

ماقــلتلي وش بــلا
العــهــد بـك ضـاعـي

من بد كــل الــمـلا
عـيـني لـك تـراعـــي

ياكـامـــلٍ بالحـــلا
مـــالـلــجـفا داعـــــي

إرجع ترى لك ولا
من بين الأضلاعــي

إن جـيـتـني ياهــلا
مـانـيـب طــمــاعـــي

.
.

تــوادعـنا انـا ويـاه لـكـن ماتـوادعـــنـا
رفض قلبي ورفض قلبه سوا هلت مدامعنا

رجع يـبـــكي وبـكـانـي انا ماتحـمل دمــوعــه
ونادتـنـا ليالـيـنا مـسـك يــدي وتـراجــعــنا


انا فضلت اعيش بصمت سواء كنت او ماكنت
ولـــكــن الاكــيــد آمـنـت محبـتـنا لها معـنى

رجع يـبـــكي وبـكـانـي انا ماتحـمل دمــوعــه
ونادتـنـا ليالـيـنا مـسـك يــدي وتـراجــعــنا

حـنـيـن قـلـوبـنـا فـيـنا غـصب عـنا يـنـاديـنا
يـبـيـني يـامـلا وابـغـاه عـسـىالله لا يفرقنا

رجع يـبـــكي وبـكـانـي انا ماتحـمل دمــوعــه
ونادتـنـا ليالـيـنا مـسـك يــدي وتـراجــعــنا


.
.

ذبحنا الشوق

ذبحنا الشوق بغـيابـك
وكل طاري لنا جابك

متى تسأل عن أحبابك
علينا بس من قســـاك

نبيك ومانبي غـيـــرك
وعالي دوم تـقــديرك

رضينا بشرك وخيرك
حبيبي ويـنها دنـــياك

تصدق من حكوا فـينا
وتـبـعـد عـن لـيالـيـنا

غريبه صرت ناسيــنا
وغيرك ماقدر ينساك


.
.


تروي

تروي ياحسن منظورتروي يا مـلاك الزيـن
تروي كود عيني تلتمس منك حنيه

شوصفك لو بغيت اذكر محاسنك انعدم بك شين
وأخاف إني اقتصر في وصفي لو قلت حوريه

نقضتي حلا المقذول على عارض المتـنـيـن
وشفشف هواء روحي على فركت ايديه

كـتـبـت الـقـصيـده نـاوي اعـنيـك انا بسطرين
سـجـى الـفـكـر بـالــمـعــنى ولـك تـمت الـنيه

انـا ويــن جـابـتـنـي الـمـقـاديـر وانـتي ويــن
تـولـعـت يا لـلـه لاتــزيـــــد الــولـــع فـــيـه

وداعك عـمر حـي خذيـتـيـه بطرف العـيـن
معـك حــي والى غـبـتي يموت بعرب حيه

ويــــــــــــــــــــــــــــــــــــــــــــــــ ــــــــــــــــــــــــن
الــــــــــــــــــــــــــــــــــــــــــــــــ ـــــــــــــــــردود



الله يسامحكو

يسلمووو ع الكلمااات الحلووه

يعطيك العافية

الله يعافيكم

اعتقد ان مكانو مم بقسم الاغاني الغربيه..
ولاخالد صار يغني غربي وانا مدري...!

كلهم شكروني الا انتي ليش
يعني ما عجبك عبد الرحمن

لا عاجبني..
بس اقصد ان مكانو مش هنا

مجرد دعابه ....

موضوع حلو

ينقل لقسم الاغاني العربيه

هههههههههههههههه

وربي دا المووغني اكرهوو كره العمى يناااس وربي يفقعلي مراارتي احسوو مررره صربي

خخخخخخخخخخخ

على العمووووم ثاانكس خيوو على الموضووووع