**( الحب !! يعني إية حب ؟؟)**
- الفصل الاول تحت عنوان :-
***( الصراحة )***
- تعالوا كدة نتعرف على بطلة قصتنا :-
- الاسم :- سها ,, السن :- من 16 ل 21 او 22 سنة تقريبا .....
- بابا و ماما و اخواتها مش هيفرق معانا نعرف عنهم حاجة من اساسة ...
- اصحابها مين و دورهم إية في القصة ؟؟ اعتقد هنعرف من الاحداث ...
- متدينة او لأ هنشوف سوا احسن .....
- حياتها العاطفية ممكن نقول عنها كتير و كتير مع كل فصل جديد .....
- طيب دي سها ... تعالوا نشوف بطلنا .....
- الاسم :- ماجد ,, السن :- من 18 ل 28 كده على السريع ...
- اعتقد نفس بيانات البطلة هتكون مناسبة للبطل مع اختلاف الاذواق مش اكتر ....
- طيب يللا بينا نبدأ سوا احداث الفصل الاول من قصتنا :-
( الصراحه )
- سها و ماجد في التليفون :-
- سها :- كنت فين كل ده , انا كلمتك و لا مليون مرة و مامتك بتقوللي لسة مرجعش من على القهوة ...؟
- ماجد :- ابدا , بس سرحت في الوقت و انا قاعد مع العيال ... و بعدين ما انا جيت اهو , نتكلم ساعتين زيادة مش مشكلة يعني ....
- سها :- و اصحابك بقى اهم مني يا دودي ؟
- ماجد :- لأ طبعا يا سوسو , مكنتش اول ما رجعت طلبتك من غير ما حد يقوللي انك اتصلتي بيا ....
- سها :- كنت مع مين على القهوة و قعدت من إمتى يا دودي ؟
- ماجد :- تقريبا من تسعه تسعه و نص كده , مع محمود و خالد و هيثم ...
- سها :- طيب ممكن اعرف بتكدب ليه عليا ؟
- ماجد :- و اكدب ليه بس يا سها , ليه القلبة دي في الكلام بقى ؟
- سها :- اصلي عديت من قدام القهوة الساعه عشرة و ربع ومكنش حد قاعد غير محمود و هيثم , و بس ...
- ماجد :- عادي ممكن اكون في الحمام او بشتري سجاير , و بعدين كنتي لحد عشرة و ربع برة البيت بتعملي إية ؟؟ مش احنا متفقين مفيش خروج بعد تسعه .....
- سها و ماجد دخلوا في حوار تاني خالص غير موضوع الكدب .......
- ..............................................
- تعالوا كدة نشوف سها و ماجد من وجهة نظر اخرى.:-
- سها و ماجد في كافيتيريا الجامعة :-
- سها :- كنت واقف مع عبير لية ؟
- ماجد :- ابدا ً , كانت بتسألني على مريم اذا كنت شوفتها ...
- سها :- مش احنا قلنا و اتفقنا ان بلاش وقفة مع عبير , علشان انت عارف انها معجبة بيك و هتموت و ترتبط بيك ...
- ماجد :- اية بس اعمل اية يعني لما توقفني , اختفي ؟
- سها :- و انت واقف معاها اكتر من نص ساعه بتسألك على مريم ؟
- ماجد :- حصل خير يا سها , مش هقف معاها تاني خلاص , متزعليش اوي كده ...
- .......................................
- تعالوا نشوف وجهة نظر تانية ....:-
- سها و ماجد على الانترنت مقضيين الليل شاتينج :-
- سها :- بتكلمي حد يا ميادة ؟
- ميادة :- بكلم تلاتة صحابي , و ماجد كان معايا و لسة قافل , كان بيسألني على خطيبي و الاخبار , و بعدين سألني على اخويا و قفل , هوه مش بيكلمك و لا إية ؟
- سها :- لأ معايا طبعا , طيب اوك انا معاه مشغولة شوية , و لو حنان دخلت قوليلها تكملني ....
- ماجد :- الوووووووووو . مشغولة مع حد ؟
- سها :- ايوة معاك , لأ مش مشغولة , و انت ؟
- ماجد :- ابدا كنت بكلم حامد و قفل خلاص , مفيش معايا غيرك .
- سها :- يعني مكنتش بترد عليا من شوية علشان حامد ؟
- ماجد :- آه و الله ,, خير في حاجه ؟
- سها :- لأ مفيش عادي بسأل بس .. كنا بنقول إية بقى يا دودي ....
- .................................................
- دي مواقف كتير بتحصل بين ماجد و سها ...
- تعالوا كده نشوف التعليق سوا .....
............................./ باسم فوزي ( الجنايني )
**( الحب !! يعني إية حب ؟؟)**
- الفصل الاول تحت عنوان :-
***( الصراحة )***
- دي مواقف مكررة كتير في علاقات كتير بين كل اتنين .....
- مواقف من واقع حياتنا اللي احنا بنعيشة ........
- يا ترى لية ماجد بيكدب على سها ......
- ليه سها بعد كل المواقف دي بتقول انها بتحب ماجد ؟
- ما تيجوا كده نتكلم عن قيمة الصراحة في العلاقة بين اتنين ....
- الكدب بيخلق في مجتمعنا بصفة عامة نوع من الشعور بعدم الثقة و الاطمئنان ...
- اصل الصراحة مرتبطة بالثقة , و الاتنين من اساسيات الحب .......
- اصل لو في كدب يبقى في عدم ثقة يبقى في غلط كبير في العلاقة اساسا ....
- يبقى بلاش منه الحب اللي جايبنا ورا ده ....
- الاسلام و الدين الاسلامي قالوا إية عن الكدب ؟
- انه من الكبائر , و انه من صفات المنافقين .....
- وكمان امتى الانسان بيلجأ للكدب ؟
- وقت الضعف , او الهروب من مشكلة , او عدم ثقة في النفس , او وسيلة للهروب من حساب , او عدم شعور بالمسئولية , و نفاق و انحلال اخلاقي , وووووو
- كل ده في شخصية الانسان الكداب بصفة عامة .,......
- يا ترى انتي موافقه تتجوزي و ترتبطي بإنسان يحمل كل الصفات دي ؟
- كل ده لمجرد انك بتحبية , ما هو الحب كده غلطة فيكي , لو تغاضيتي عن كل الصفات دي , و نظرتي لصفات تانيه حببتك فية .....
- إية اللي يجبرك تصدقية و هوه بيقول بحبك , و هوه اساسا بيكدب في حاجات تانيه كتير ........
- هتقوليلي ممكن يكون بيكدب بس دي غلطة و انا مش هحاسبة على كل غلطة و انا كمان بغلط , و هوه بيسامحني .....
- هقولك ماجد مكنش على القهوة , و كدب , اسالي نفسك كده كان فين و ليه كدب ؟؟
- ماجد اختار وقت انتي مستحيل تكوني بره البيت علشان تعرفي انه كداب ,,,
- ماجد كمان كدب و خبّى عليكي لما قالك انه بيكلم حامد على الشات و هوه كان بيكلم ميادة .....
- ماجد كدب و قال انه بيكلم عبير على حاجه تفاهه , مع إنة وقف معاها اكتر من نص ساعة ....
- لية كل ده , و لية الكدب ده كله ؟
- يا بنتي الكدب خيبة و الصراحة راحة .......
- خديني على قد عقلي و قوليلي لو انتي كدبتي زيه كده بالظبط , هيكون تصرفة ازاي معاكي ؟
- عاوزه الرد ؟؟؟؟؟
- تابعي كده المشاركة الجاية معانا .............
**( الحب !! يعني إية حب ؟؟)**
- الفصل الاول تحت عنوان :-
***( الصراحة )***
المتابعة
- صحيح لو انتي كدبتي علية كده هيتصرف ازاي ؟
- لو سكت عليكي يبقى اهبل و عبيط و مش راجل اساسا ....
- و لو واجهك يبقى شك فيكي و مش واثق فيكي و حاسس انك بتعملي حاجه من وراة .....
- صحيح الاول انتي كدبتي علية ليه ؟
- خايفة يزعل لو عرف الحقيقة , و شايفة انها عادي يعني غلطة صغيرة و هتعدي .....
- طيب ما ده اسمة جبن يا جبانة ( اسف )
- و ده معناه بردوه مش في الحب و لا يمت للحب بصلة ....
- الاسلام قال لو اخوك غلط فيك التمسلة سبعين عذر ....
- و انتي خايفة منه و مش حاسة انك محتاجة عذر واحد من السبعين دول ؟
- طيب تعالي كده اصل انا نسيت حاجه اساسا ....
- ده انتي بتكلمية على التليفون و بتقابلية في الكلية و تقعدي معاه , و كمان شات طول الليل .....
- يعني اساسا علاقة كلها حرام في حرام .........
- و مش عاوزاه يكدب ؟؟ اذا كان مش بيحترم الاسلام و دينة و يطبقة ..
- يبقى هيحترمك انتي و يخاف من الكدب عليكي ؟؟؟؟؟
- يا بنتي كل ده غلط في غلط اساسا ......
- اسالي نفسك مرة واحده بس في حياتك ,, الانسان اللي بيكدب عليكي ده يستحق قلبك و حبك ليه ؟
- الانسان اللي انتي بتحبية ده بتقولي بحبك على اساس ايه بالظبط اذا كان معاكي بيفقد الاحساس بالمسئولية و بيكدب و بينافق ....
- الحب لما بيفقد الثقه و الصراحه فية يبقى مبني على غلطة و وهم كبير .....
- الكدب اقرب وسيلة للخيانة , و اللي تستمر على علاقة مع واحد كداب , تبقى تستاهل اللي يحصل سواء قبل الجواز او بعدة ......
- طيب انا هقفل على موضوع الصراحه في العلاقة بين ماجد و سها ....
- و بكرة نتابع سوا ركن آخر من اركان الحب و يا ترى الركن ده موجود في علاقة تجمع بين طرفين اسمهم ماجد و سها ؟؟؟؟؟ منقول من اسره الحب فى الله
الفصل الاول من قصة يعنى ايه حب 
( تقرير عن مشاركة مخالفة
) 
العرض العادي
المواضيع المتشابهه للموضوع: الفصل الاول من قصة يعنى ايه حب 