 اغرب ماسمعت وما رايت..
بسم الله الرحمن الرحيم
السلام عليكم ورحمة الله وبركاته
انسانة التمست أحزانها وآناتها .. وبدأت أتردد على باب صدرها ..باستمرار لا يعرف كسل
حتى صرت جزءا لا يتجزأ ..من ثقتها
وهنا بدأت التنازلات .. في ابداء مكنوناتها تجاهي .. ويالها من مكنونات !
باختصار موجز
عقب بناء جسرا من صراحة بيننا
وبعدما كسرت حواجز من فروق عمرية بيننا
مدحتها .. لأني أحسبها رائعة ومرفهة الوجدان
لكنها ثنت علي ... لأني غير مقصرة لها ..حسب قولها
حدث ذلك قبل سنين لأيام الاعدادية .
هذه انسانة ..أمها مريضة كبيرة السن .. أحسست انها ستموت لا محالة
..مجرد احساس بقدوم أجل..
لكن عسى ما تصدق
توقعاتي متشائمة ..
وفجأة في يوم ثاني وقت الفجر طلعت روحهها ..(الله يرحمها)
.. قالي اخوي
(هذا من كثر ما تفااولين يا شاطرة 
هذه انسانة انصدمت بتنبؤي صحيح !وبعدما فاقت من صدمة
وقالتلي بمعناه
(انتي عندج قدرة من الله !! ..تعرفين ليش ..لأنج متواصلة وياي فالله يعطيج قدرة
ببركتي !!تعرفين بالمستقبل قبل ما تواجهين الأحداث!)
"استغفر الله "
استغربت وقلتلها (لااا .. هذا بس مجرد احساس .. كل شيء استوا بالحظ والقدر)
..قالت  لكنج تتخيلين اشياء ..لين ما يستوي خيال واقع .. غالبا ..وهذا دليل ان عندج قدرة ..صدقي عمرج ..وثقي بقدراتج)
ومرت ايام جفت فيه رؤيا سعيدة..شيء طبيعي كل انسان يشوف شيء جميل في حلمه
هي قالت (لاااه ..عشان بركة مني انا .. ولانج تسمعين كلامي الله أنعمج
بهل القدرة !..مثلا لو انا استعمل مشط هذا ..وبعدين انتي استعملتيه..
الله بيبارك في شعرج ..!!)
يووه
وااايد كانت تقوللي مثل هالخرافات ..وخزعبلاتومصيبة الكبرى انها ..لااااااااا تمززح!!
اسمعها واقول (هيه ...هيه ) اكتشفت انه من جهل مناقشة جاهل عنيد برأيه
بصرأاااااااااااحهـ .....
..خرافات مالها حدود .. مرة كتابي ضااع ,,.. قالتلي ( .. سكري عيونج ..وتخيلي .. حسي ان روحج
تطير ,, وتدور الكتاب الضايع ..).. !!
حقاً مهزلة ..
لكن قلت (يمكن كتاب نسيته في درج !)
ويوم ثاني بالفعل كان في الدرج .. فهي يوم عرفت قالتلي
(هاا شفتي .. ولا بعدج مب مصدقة انه عندج قدرة من الله قدرة مال روح
الا تعرفين الاجناس ؟.. !)
قلتلها (شو اجناس؟)
قالت (اشياء حية ما تقدرين تشوفينها بس تقدرين تحسين بوجودها لان لج قدرة
ببركتي ..يوم تحسين بالأجناس ..قوللي استغفر الله وتفلي على مكان ..
تراهم يمكن يضرونج)
!!!
..استغرب وما أعلق،، ويوم ..يطفح الكيل بها يوم قالتلي
بمعناه( .. انا كنت عايشة قبل؟..يعني هذه ثاني حياة اعيشها!الله
احياني واماتني وارجعتي مرة ثانية للحياة!!)
وتتكلم عن نساء تحديدا
..وتقوول لي ناصحة.بنات هالزمن.عندهم فلوس مثل البحر !برايج من وين بنت تحصل الفلوس؟) قلتلها (مادري !..يمكن تشتغل وظيفة مرموقة!)
قالت (لااا .. غيري تفكيرج ..لأن بنات خربانات..انا اعرف بنات زين
واللي يسونه في هذه الدنيا سودة .. بنت احين كله ترقص يدام كبارية
ويرشون عليها البيزاات مثل المطر ..شو ما تعرفين ؟
انصدمت اقولها (صج ؟ مستحيل !هالكثر ما عندهم سالفة !)
تقول (هيه بعد ..شو !انتي توج تبطلين عينج
ما تعرفين ناس ظالمين كيف يسوون ولا تعرفين شيء عن الحياة
احين غير .. ايام أخلاق ومثالية راح وولى !!)
وتتكلم عن الرجال (اونه !هذا واااايد عنده فلوووس وبدال ما يشتريله اكلة ..
شل السكين وذبح .. بقر ..وأكلها وهي حية .. من دون شوي حتى !
تعرفين ليش سوى هالحركة؟؟!)
ضحكت ما صدقت كلامها(مسكيــــــــــن وحليله.. شكله وااااااااايد يوعان !)
قالت (لا ما كان يوعان ..انا اعرف ..هو أكل بقرة حية من القهر اللي في صدره
لانه مظلووم طول سنين لكنه ظالم بعد !)
!!!
والغريب انها تقول كل ذلك بوجه صارم وملامح جدية ولسان طلق
تستغرب من ضحكاتي الاستنكارية
وتقول في حدة: (هالكثر يضحكج كلامي! ..انتي صجج ما تعرفين ناس كيف ظالمين!)
..وتقول (هذا شارع ما بمشي فيه لأن ناس ..يعرفون اني بمشي فيه ومن
ستة شهوور يسوون سحر ..يقراون سحر وينفخون على ارض وبعد يتفلون
عشان انا بمشي اهني وتصيرلي مشاكل بسبة سحرهم)
>>سبحان الله لهذه درجة ناس ليس لها شغل ولا مشغلة لتفعل ذلك
أما أخوي يوم عرف اني استمع لهذه انسانة حذرني بلهجة
شديدة قائلا (ليش تيلسين وياها
هذي وحدة خريطة مينونة ابتعدي عنها بتخرب مخ
فبعد هذا دافع ..زدت اصرارا على استنكار ووقوف
في وجهها و وجه تخريفاتها وكلماتها اللامعقولة .. بعدما طفح الكيل ووصلت ذروة
طاقة التحمل والصبر على محاولة اقناعها ..لم أستطع التحمل ..كأني مخنوقة
حتى صرخت منفعلة بكلمة واحدة وهي (الوهم وهم وهم وهم وهم!! )
فقالتلي حينها وهي تردد هذه معاني مرارا : ( بسم الله ..انتي مب طبيعية .. فيج شيء ..ما تعرفين ناس مسوينج عمل!عشان
تنجلبين ضدي! انتي مسحورة في طريقة تفكير.. عقلج مريض
بيضع قدرات اللي الله عطاها لج ..بفضل بركتي .. انتي ما تفهمين
انه ناس سووا سحر
اسود في راسج عشان تنجلبين ضدي لان اعدائي كثيرين
..ووايدين ناس يحسدوني ويعرفون اني غير ومحد غيرج خسران
..حتى ويهج راح نوره ..راحت البركة..
واستويتي صفرا ميتة لانج ضيعتي فرصة ..اللي ما تتعوض من الله
والله لا يبارك في ناس ما يسمعون كلامي
هذه اهانة كبيرة منج دون ما تحسين بغلطتج ..الله يشفيج من العمل !
الله يشفيج من السحر..!..)
~ ~
والأن .. لا يمكنها أن تتحدث بهذه أمور أمامي ..لأنها تعلم انه لا جدوى من ذلك
لا أظن ولم ار في حياتي انسانة مثلها وبمثل تفكيرها أبدا !
و ربي ان هذه سنين مزيفة اللتي مرت ..جدا غريبة !!
مع انسانة تكبرني بضعف واعوام معدودة .. تتواصل مع السحرة والدجالين
لكن كونها كبيرة .. بدلا من أن ترشدني كوني صغيرة
وكوني غصنا طريا ..وبذرة لم تنضج بعد..
حاولت اضلالي بأوهام وخزعبلات التافهة! ...قد أكون كاذبة في أنظار القرآء ..لكن هو واقع مريت به ..والمهم اني اصدق
ما مررت به من الغرائب ،، اليست حقيقة أغرب من الخيال ..؟
| 
( تقرير عن مشاركة مخالفة
) 
العرض العادي
المواضيع المتشابهه للموضوع: اغرب ماسمعت وما رايت.. 