 إلى أين سـ ينتهي بكـ المطآف يآ بلدتي ..؟! /~
السلام على أهل السلام
شحآلكم يا العرب .. عساكم الا طيبين ..؟؟!!
ما بطول وياكم عسب ما تملون من موضوعي ..
اعرف انكم بنقولون نحن شو خصنا.. بس كنت ابي ابرد فخاطري
بدايةً أقول : أين انت يا زايد .؟!
كانو يقولون ما رحل زايد .. ما رحل زايد لانه ترك خلفه رجل و شعب قوي و شعب عايش في دولة غنية لا يعكر ليلها شيء ..
هذا الكلام قبل شهور .. او قبل سنين ..
لكن الحين ..!!
حرايق .. جرائم .. تركيبة سكانية خطأ × خطأ .. ارتفاع اسعار المواد الغذائية .. أرتفاع الالكترونيات و السيارات بنسبة 15 % .. و الطامة الكبرى : نقص في المواد الغذائية ..
بقولكم مثال من واقع الحياة اللي انا شفتها بعيني :
التمر ( هذه الثمرة التي تشتهر بها الامارات ) .. هل يعقل ان يصل المن ( 4 كيلو ) منها الى 1200 درهم ..؟؟
تخيلو .. المبلغ مب بسيط .. 1200 درهم .. انا اقدر ادفعها لكن مب اي شخص عايش هني يقدر يدفعها ..
قبل يومين نزل التمر قبل موسمه .. لكن بهذا السعر الخيالي ..!!
العيش .. << الكل يعرف ان وجبة أهل الامارات الرئيسية هي العيش ..؟؟
انا ما بقول ان سعر العيش ارتفع لـ 100%
انا بقولكم انه اصلا ماشي عيش في البلاد .. و اللي يحصل له كيس عيش يعني جنه اشترى طيارة خاصه ..
ابسط مثال ..
البارحه واحد من الأهل يا عندنا الجمعية يبى يشتري عيش .. بعد كلام و محضارات و نقاشات في السياسة بين ابويه و بين الريال .. قاله انا باخذ كيسين .. قاله ابوي : بالمبارك إن شاء الله << جنّه بايع عليه سيارة ..!!
بقولكم شي بسيط من اللي اعرفه من ارتفاع الاسعار :
النيدو كان 40 درهم الحين 80 درهم .. زياده بنسبة 100 %
العيش كان في حدود 90 إلى 120 الحين بين 250 إلى 300 .. << حسبو الزياده بنفسكم ..
الجلكسي و الحلويات << أصغر الاشياء هذه .. اللي كان بـ 2 الحين بـ 2.50
عصير ربيع ( نحن اصحاب الجمعية قبل نشتريه بـ 1.90 و الحين نحن نشتريه بـ 2.25
شوفوا بنفسكم الفرق ..
الزيت .. الطحين .. السكر .. الشاي .. وكل هالاشياء الضرورية في نفس الحالة .. كلها ارتفعت اسعارها ,,
شو حل بالدنيا ؟؟ شو صار فينا ؟؟
السموحه إذا طولت عليكم بس هذا اللي يحضرني اقوله و هذا اللي كان في خاطري و طرحته لكم ..
اختكم..•|كروزهـ|• ~
| 
( تقرير عن مشاركة مخالفة
) 
العرض العادي
المواضيع المتشابهه للموضوع: إلى أين سـ ينتهي بكـ المطآف يآ بلدتي ..؟! /~ 