طبعا اول شي بحب اشكر الاخت على الموضوع الحلو والفكره الاحلى
ويسلمو كمان على استضافتي بين صفحاتك 
عبث الطفولة
1- مكان الميلاد أين كان؟
تونس
2- حياة الطفوله من كان المؤثر الأول بها؟
امي وابوي الله يرحمه
3- موقف من الطفوله مازال عالق في ذهنكـ؟ >> يا كتر مواقفكم ههههههههه
كان ابوي او امي يحكولي روح جيب مثلا رز او عدس من السوبرماركت وانا اروح اجيب فول او حمص  ويا عيني شو كان يصير
ضرب وتكسير ووجع ههههههههههههههههه
4- هل كان يوجد معامله مختلفه لاخواتك البنات عن الذكور ؟
لا ابدا ما حسيت بهالشي
5- اليوم الدراسي الأول هل تتذكر حالكـ فيه؟
كنت خايف وقتها ومتردد اروح بس بالاخر لازم اروح وصرت احبها كتير كتير لانو كل يوم كنا بنشوف بالمدرسه ابو عمار رئيس فلسطين
الله يرحمه .. كل يوم يعمل زياره بالمدرسه الموجود بتونس كان اسمها مدرسة فلسطين ..
6- أصدقاء الطفوله هل مازلوا على تواصل؟
اكيد من الاصدقاء الفلسطييين خصوصا بس عندي بنفس الوقت اصحاب من تونس ما في تواصل بينا لبعد الدولتين عن بعض !
7- عبث الطفوله كيف تصفه في بضع كلمات؟
ياريت ترجع ايام الطفولة لانها احلى ايام بحياتي كلها كانت ولله
8- موقف غصب عليك والديك بفعله ؟
ما في ابدا ولا موقف اكون مغصوب على فعله .
عنفوان المراهقة
1- في اي سن قمت بقيادة السيارة ؟ وماذا حدث في اول مرة قدتها ؟
قبل 4 سنين يمكن جربت اقود سيارة زوج اختي كانت اوتوماتيك يعني سهله والحمدلله ما عملت حاااااادث
2- مرحلة المراهقه كيف كان تعامل الأهل فيها؟
متل معامله اي اهل يمكن لابنائهم بس كان في شوية مرونه و Free
3- غالباً مايكون الحب الأول في مرحلة المراهقه فكيف تصفه إن وجـــد؟
ما حبيت بحياتي الا ربنا وامي وابوي وما بدي احب اساسا .. عندي قناعه انو مش لازم احب واتعرف على بنت عشان اتزوج !
4- هل كنت مثل شباب اليوم تتسلي وتعاكس حواء ؟
اه كنت مره عاكست بنت زمان كنت بقلها وين يا عسل وين يا قمر اطلعت علي وحكتلي اسكت يا دب هههههههههههههههه
5- إلى ماذا كنت تطمحين وهل وصلتِ لطموحكـ؟
كنت بطمح ادخل بكلية مبارك للشرطة الحقوقية بمصر و رحت عليها وقدمت طلب وعملت اختبارات والحمدلله كنت ناجح فيهم
بس للاسف دور الواسطه كان مؤثر بشكل رهيب بإختيار الافراد للكلية .. بس هلا طموحي الاول اهاجر من فلسطين
انا موافق لو كانت على استراليا ما بقول لأ هههههههههههههههههههههههه
6- هل كتبت مذكراتك ؟
لأ ولا مره .
7- عنفوان المراهقه مالذي تبقى منه اليوم في ذاكـرتكـِ؟
ما بتذكر الا الهموم والتفكير بمرض ابوي الله يرحمه كان مشلول شلل نصفي و كنت بعالجه يوميا عشان هيك ما بتذكر شي حلو كان فيها
8- موقف غوصبت علي فعله بواسطة والديك ؟
ولا موقف الحمدلله
نــضــج الـــرجــــولـــــة
1- كيف هي نظرتكـ للحياة اليوم؟
نظرة متشائم ونظرة سلبيه من خلال الحياه الي بعيشها اي فلسطيني بكل صراحة .. يعني لو بموت بكون اريح .
2- كيف هي حياتكـ بعد الزواج وتحقيق حلم الأبوه؟
ما تزوجت بعدني .. بس اتزوج بقلك شو حسيت و شو صار معي
3- هل وجدت حلاوة المسؤليه مابين واجباتكـ العملية والعائليه؟
وجدت مسؤولية كتير كبيره وانا بعدني صغير بالعمر من خلال مرض ابوي الله يرحمه وواجبي اتجاه ابوي اني اكون جنبو
واعالجو وما اتخلى عنه لو شو ما صار .
4- هل ستربي أبنائكـ بنفس أسلوب تربية والديكـ لكـ؟
ان شاء الله متل التربيه تاعتي و اذا قدرت اربيهم احسن و احسن بكون شي ممتااااااز
5- هل مازلت تحتفظ بمذكراتك ؟ وهل مازلت تكتبها ؟
لا ما بحتفظ لانو ما كتبت اصلا مذكرات !
6- ماأكثر مايشغلكـ تفكيركـ في ظل مرحلة النضج؟
الهجره اولا واخيرا ..
7- موقف غوصبت عليه من والديك وانت في تلك المرحلة ؟
الحمدلله ولا موقف اهلي ما بحبو يغصبو بأي شي .. كل واحد حر بحياته .
آدم وحواء
1- المرأة ماذا يعني وجودها في حياتكـ اليوم ؟
كل شي اكيد لانها بتلعب دور كتير واااضح و كبير بالتنشئة والتوعيه والنضوج .. عشان هيك المرأة اذا ما كانت موجوده
انا بعتبرها متل البحر بدون سمك ^..^
2- من هي الشخصية النسائية التي تعجبك ؟ الرجالية ايضا ؟
زوجة الرسول عليه الصلاة والسلام . والرجالية اكيد اكيد الرسول الكريم صلى الله عليه وسلم .
3- من هو الرجل التي تود ان يكون قدوة كل رجال الارض ؟
الرسول الكريم صلى الله عليه وسلم
4- بعد الأخلاق الحسنة ماأكثر مايلفت انتباهكـ في المرأة شكلاً؟
تكون طويلة شوي و عيونها حلوين وشعرها طويل وامورة ومتعلمه وهيك شي .. بس تتطلع شبه نانسي بالشكل بكون مبسوووووووط
بس بالشكل اوك ما بدي اغاني ولا رقص
5- ما رأيك بالمرأة التي اهتمامتها تشبه الي حد كبير اهتمامات الرجال ؟
بالوقت الراهن صارت المرأة بتشبه كتير كتير الرجل بأي شي ,, يعني الشغل والمسؤوليات .. وانا مع هيك شي و بحبذ اكتر كمان .
6- اذا شعرت بالشك في امرأتك كيف ستكون ردة فعلك ؟ كيف ستتصرف معها ؟
ان بعد الظن إثم .. يعني مش لازم اتسرع بالحكم عليها من خلال شك بس .. بس لازم اتأكد بشتى الوسائل .
بلاش اخرب بيتي من شك ما كان موجود اصلا !!
7- بيت شعر تهديه لحواء ؟
ما تضحكو علي طيب ما بحب الاشعار انا و ما بعرف اي شاعر ومش حافظ ولا بيت شعر .. سامحيني يا حواء ما طلع بإيدي شي
8- هل من الممكن ان تخبر امرأتك بماضيك وعلاقاتك السابقة مع غيرها ؟ وهل ستفضل ان تقول لك امرأتك عن ماضيها ولا تسأل انت ؟ كيف سيكون رد فعلك ؟
ما في عندي ماضي عشان هيك مش راح احكيلها ولا شي ... السؤوال التاني صعب الاجابه عليه بدقيقة لازم تفكير شوي .
9- كلمة توجهها الي حواء : الام - الاخت - الزوجة ؟
الام .. لله يخليها النا ويطول بعمرها يااااااارب وتكون راضيه عنا بكل شي .
الاخت .. تكون مبسوطه بحياتها الزوجيه وما تشوف الا الايام الحلوه و مرتاحه مع زوجها وولادها اهم شي .
الزوجة .. بحـــــــــــتك كتير كتير كتير كتير مع اني ما بعرف مين بتتطلع
في كم سؤال كذبت او جاملت ؟ مع ذكر ارقامها دون خجل ؟
ولا سؤوال وما جاملت كمان
ولله على ما اقول شهيد .
| 
